Press "Enter" to skip to content

Halor ka jingeh jong ki nongrep la thaw ïa ka seng UVLOFA

Shillong, Nailar :Namar ka jingeh kaba ki paid nongrep ki ïakynduh hapoh ka dong bad ka thaiñ kumta ruh na ka liang ki samla jong ka thaiñ kila thaw ïa ka seng trei mon sngewbha jong ki nongrep bad trai jaka ha ka them Umïam baroh kawei ïa kaba la tip kum ka Umiam Valley Land Owners And Farmers Association.Ka Seng ka pynpaw ba ki paid nongrep jong ka thain ki ïakynduh shibun ki jingeh khamtam ha kaba ïadei bad ka dor ka mur, ki symbai jingthung, ki um ha ka pynthor kba bad ki snem sniew kum ka jingshlei um, ka jingtyrkhong ka mariang bad kiwei pat ki jingeh.
Kumta halor kine ki jingeh ka seng ka kyntu jur ïa ki tnad badei khmih jong ka sorkar kum ka Water Resources, Soil & Water Conservation, Agriculture, Horticulture lem bad kiwei kiwei ki tnad treikam jong ka sorkar ba kin peit lem ïa kine ki jingeh jong ki paid nongrep kane ka thaiñ kiba im kyndoi jakpoh da ka rep ka riang.
Ki nongkitkam ba pura jong kane ka sneg ki kynthup ïa u President Khroborlang Thabah, Vice President Ribil Be, Rocky Nongrum, Bishel Marboh, Genl Secy Samla Kitborlang Nongpoh, Publicty F.Majai, Treasurer P.Sten kynthup ia ki 50 ngut ki dkhot nalor u Adviser bah R.Kharkongor.Ha kajuh ka por ka seng ka kyntu ïa ki para nongrep kiba ïakynduh jingeh ba kin sngewbha ban wan ïakynduh ïa ki nongïalam jong kaseng hapoh ka ophis treikam jong ka Seng ha Mawhati.Kane ka long katkum u kyrwoh lyngba u Secretary jong ka Seng.