Press "Enter" to skip to content

Pynlong ‘Swachh Bharat Summer Internship programme’ ka Padubah IVCOS

Shillong, Nailar: Ka Padubah Integrated village Co-operative Society ltd kala pynlong ïa ka Swachh Bharat Summer Internship Programme ka ba 100 kynta ha ryngkat ka jingïasnoh kti lang bad ka Nehru Yuva Kendra Sangathan Jowai.
La pynhap pynhap pyrda ïa ka awareness campaign ha kaba ïadei bad ka jinglehkhuid kaba la pynlong hapoh ka shnong padubah .ïa kane ka awareness campaign la sdang naduh ka 1tarik Jymmang 2018 haduh 31tarik Naitung 2018.Ha kane ka programme la donlang u Bah Stelin Mukhim kum u chairman bad u Vice headman jong ka shnong Bah Naphang Pohshna kum u kongsan.
Ki resource person kiba la ai ka jingpynshai halor katei ka phang ki kynthup ia u bah Ohiwot Mukhim, kong Dapmon Pohthmi head mistress Padu Secondary School, kong Korimai Pohthmi iba long kum I ASHA bad kiwei kiwei.
Haba ai jingkrem ha katei ka sngi na ka liang u kongsan u la ban jur ïa ka jingdonkam jong ka jinglehkhuid khamtam ïa ki shnong ki thaw bad ki rud ki kiar jong ka kaba long u thied bah jong ka koit ka khiah bad ban pynlong ïa shnong ka thaw kaba itynnad bad ba jyrngam.Hadien ba la dep ïa ka awareness campaign la pynlong ruh ïa ka jingpynkhuid shnong.
Ha kane ka prokram pynshai paidbah halor ka jingdonkam ïa ka jinglehkhuid la wan ïashim bynta lang ruh da ki phra tylli ki skul jong ka thain.Nalor kata la ïashim bynta ruh da shibun ki dkhot jong ka society ha kaban leit jngoh ha ki ïing ki sem jong ki nongshong shnong ha kaba la ïoh ban ïamir jingmut ïa ka jingdonkam jong ka jinglehkhuid ha kiba bun ki bynta.
Ha ka sngi ban pynkut ïa ka programme la pynlong da ka rally bala wan ïashim bynta da ki skul bapher bapher bad ha ryngkat ka jingdon lang ki nongshong shnong kiba don hapoh ka shnong. La sdang ïa ka jingïaid paidpah naduh ïing club Padubah haduh State Dispensary Padu – Mawsku. Kane kalong katkum u kyrwoh lyngba u Bah Tohmondiam Mukhim.