Press "Enter" to skip to content

Rai shimet u President ka SWSEJHD ban pynneh ïa ka C&RD Block ha Wapung: NBAJAC

Khliehriat, Nailur, 05: Ka Narpuh Border Area Joint Action Committee (NBAJACP) ki la pynrem jur ïa ka jingshim rai shimet jong u President jong ka Synjuk Wahehshnong East Jaiñtia Hills District, (SWSEJHD) u Ma Satly Ryngkhlem kumba la paw ha ki pathai khubor ha ka 3 tarik mynta u bnai, uba la kam ba ka Synjuk ki Waheh Shnong East Jaiñtia Hills District ïa ka Sorkar ban pynneh ïa ka C&RD Block ha ka shnong Wapung.
Halor ka jingpynmih khubor u President ka SWEJHD, ka Narpuh Border Area Joint Action Committee kiba kynthup lang baroh ki Waheh Shnong bad ki Secretary Shnong na ka thaiñ Elaka Narpuh ki la ong, “baroh ki Waheh Shnong jong ka thaiñ Narpuh ruh ngi dei ki dkhot jong ka SWSEJHD katba ngim tip ei ei pat ïa kane ka rai jong ka Synjuk ki Waheh Shnong ka East Jaiñtia ba dei ban pynneh ïa ka C&RD Block ha shnong Wapung.”
Lyngba u kyrwoh, ka NBAJAC, ka la pynrem jur ïa kane ka jingpynmih khubor u President ka Synjuk bad kynnoh ba ka dei tang ka rai shimet jong u namarba u dei u Waheh Shnong jong ka shnong Wapungskur.
Ka NBAJAC ka la kyntu ba nangne shakhmat um dei shuh ban shim ïa ka rai shimet ban pynmih ïa kum kine ki khubor khlem ka jingpyntip lang ïa baroh ki dkhot kiba don ha ka Synjuk.