Press "Enter" to skip to content

Sam khusnam Tirot Sing ka ABVP sha ki samla pule

Shillong, Nailar 4 : Ka ABVP, Shillong ka la sam ia ka U Tirot Sing Best Student Award mynta ka sngi ha ka jingialang ba la log ha Aurobindo Auditorium.
U kongsan ha kane ka jingsam khusnam u dei u Director jongka NIT, Meghalaya u B.B Biswal bad u Pro Vice Chancellor ka NEHU, Shillong Campus u Dr Henry Lamin u la long u symbud kongsan.La ai ia ka jingkren ha kane ka jingialang da u Rabi Ranjan Sen EC Member ka NEHU.
Haba kren ha ka jingialang u Prof B.B Boreal u la ban jur ia ki samla pule ba kin shim khia ha ka jingpule ban pass bha shakhmat bad ioh ki percentage kiba heh khnang ban iatbeh bad kiwei ki samla pule NIT ha ka ri kaba pyntreikam ia ka Reservation Policy.
U Dr Henry Lamin u la ban jur ban don ki jingpule kiba tip shaphang ka trei ka ktah bad ka polisi jongka jylla ka dei ban long ban pynmih ia ki samla pule kiba dep pyntbit ha ka kam ka jam ban iakaba pyntbit ha ka pule ka dang leh.
U Prof Rabi u la banjur ia ki samla pule ban don ka mynsiem ieit ia la ka jong ka ri bad ka jaidbynriew. U la ong ba donkam ban ai jinghikai ia ki samla pule ba kin noh synniang sha ka roi ka par jongka jylla bad ka ri hi baroh kawei.