Press "Enter" to skip to content

Halor ka Khasi Custom Lineage Bill

L.G.Laloo

Haba pyrkhat sani ïa ki jingthoh kiba mih ha ki kotkhubor bad haba sngap ïa ka jingïakren jong ki paidbah harum haneng halor ka Bill kaba la jer ka Khasi Custom of Lineage (2nd Amendment) kaba la wanrah da I bah H.S.Shylla bad la pass da ka KHADC ha ka 25.7.2018 ka jingkylli kaba la jan baroh ki kwah ban sngewthuh ka long – ba don aïu ha Iyndet jong kane ka Bill kaba pynlong ïa ka Council ban pass kyrkieh ïa ka tang hapoh 10 sngi na ka jingkiew ha ka shuki CEM jong I bah Shylla. Hato ka dei ba ki 29 ngut ki pyrkhat shisha ïa ka jaidbynriew ne ban pynlong issue ïa ka na ka bynta ka election ka ban sa long ha u snem 2019. ïa kane ma ngi ki paidbah ngi dei ban da puson bha namar ngi shu ïaksaid kum u ñianglong ha ka Jylla kaba khlem u pud u sam bad ha kaba wat hadien 45 snem ba ngi la ïoh ïa la ka Jylla ruh ngim pat long ki Trai jong ka .. Halor ka jingpass kyrkieh ïa kane ka bill khlem da ïa syllok bad ki paidbah te la dei ban ong ba baroh ki MDC ki la shah shoh jadu on his preaching and not on their individual understanding namar haba kylli ïa ki katto katne ki shu ong beit ban ïada ïa la ka Jaidbynriew. Hooid, kum kiba ym pat shah biah phongrai ha la ka kur ka jaid ngim don ei ei ban ong lada u nongpynrung ïa ka um don da kawei pat ka jingthmu hynrei lada pyrkhat pat ïa ka jinglong jong ka Jaidbynriew Khasi- Pnar ha kine ki sngi yn ïohi ba kin don shibun ki jingwohkjat ha ka synshar ka khaddar kiba lah ban poi wat shaduh ka Supreme Court ruh. Ngi tip ba ka jingthmu jong ka District Council naduh ba la thaw ïa ka ka long ban thaw aiñ, ki aiñ ki ban ïada ïa ka jinglong kyrpang jong ngi kum ka Jaidbynriew hynrei naduh ka snem 1952 haduh mynta kiba long ki Statesman ne ki Lawmaker ha ka ki heh tang ka tyng-am bad ki pyrkhat tang ïa la ka met bad ka position ba ki don. Ym don uwei ruh napdeng jong ki u ban da ngam jylliew ban wad shuwa ïa ki lad ki Iynti kumno Iyngba jong kane ka bill yn tehlakam ïa ka snam nongwei kaba tuid ha ki thied snam jong kito kiba hiar pateng na ka ïawbei bad Thawlang nongwei kiba la long mynta ki paradoh parasnam jong ngi bad kumno pat ban khanglad ïa kito kiba kam kur kam kha khlem aiñ khlem kanun kiba la nangroi man la ka sngi. Toi hynrei shuwa ban introduce ïa kane ka Bill la dei ruh ban da ngam jylliew ïa kiei kiei kiba lah ban jia ha ki pateng ki ban dang wan namar kumba long mynta haba pule ïa ki jaid ki sker jong u Khasi Pnar ba la pynmih da I Rev. I Kharkongor bad I bah Spiton Kharakor yn ïohi ba 60 na ka shispah napdeng jong ngi ym dei shuh ka snam Khasi-Pnar paka.
Haba phai pat sha I bah H.S.Shylïa kaba ym dei ban klet ka long ba 40 snem mynshuwa I la rung ha ka Politic. Ym tang katta. I la bat teng ïa ka shuki C.E.M ha KHADC hynrei ym ju ïohsngew shisien ruh ba in kynthoh ïa ka shongkha khleh ha ka Jaidbynriew Khasi bad Pnar. Lada I la leh ïa kane naduh ka snem 1978 lehse ngi kiba mynta ngin da la ïoh ïa u soh u bathiang ban kheit bad ruh ban pynbeit ïa ki kynrum kynram ha ka jinglong riewlum u Khasi ne u Pnar hynrei kynsan kynsan I kynmaw jaidbynriew ynda I la rung ha ka NPP kata ruh tang 10 sngi hadien ba I la kiew ha ka shuki CEM, balei? Hato ha ki 39 tylli ki snem kiba la leit im ïohi ïa kane ? Kat kum ka formula ba la pyni da I Bah/kong D.H.Kharkongor kaba la mih ha ka Kot Khubor Khasi kaba dt.7.8.2018 lah ban ong ba Iyngba kane ka bill kaba khlem kren ei ei ïa ka rukom Tang Jait hapoh 100 snem ki Khasi-Pnar kin sa kylla long tang kum ki Red Indian jong ka Ri Amerika.
Katkum ka jingïaid jong ka por ka shongkha shongman ha kine ki sngi kam dei shuh kaba shu leit thiah khynraw bad kaba da ïa tip ïa u sohpet kur, sohpet kha ban lait na ka sang ka ma. Ka shongkha shongman ha ka mynta ka dei ka kam private Iyngba ka love-marriage kaba tang ka Court kaba lah ban tuklar halor ki arngut. Kumta ka jingbym don kano kano ka Aiñ ne ka proposed Amendment mynta la 66 snem halor kane ka mat bad ka jingïai pyntreikam ïa ka Jingtang Jait kan pynlong la ka ïingbishar (S.C) ban rai kumba ka la rai ïa ka case kaba ïadei bad u Adhaar ba ka Privacy ka dei ka hok bad ka nongkyntl jong u ne ka shimet kaba la ïada da ka Rrti(Constitu ion) jong ka Ri. Hooid ka jmgthmu ka long kaba dei bad kaba baroh ngi dei ban kyrshan hynrei ka por ka la dier eh namar mynta ngim ïaid shuh katkum ka Tradition hynrei da ka Aiñ. Kumta ki Nongmihkhmat bad ki Nongïalam jong ngi la ha ka synshar Khadar ne ha ka Niam la ki dei ki MP/MLA/MDC, ki Khlieh Nongsynshar ne ki Nongsharai ki la dei ban ïohi ba namar ki paidbah jong kane ka Juk ki la kham stad shibun ban ïa ki bad ba ki la sngewthuh ba dei ma ki hi ruh kiba don ha ka receiving end jong ka Aiñ ym ki politician ne ki seng bhalang dei ban da la syllok ba ki ruh ym ban shu ïaid tang ha ka MA NGA NE HA NGA namar kane kan pynlong ïa ki ban wad ïa la ka hok na ki ïingbishar.
Sa kawei ka mat kaba ïadei bad kane ka jingpass kyrkieh ïa kane ka bill ka long haba ka ding ha Them ïew Mawlong ka dang rhem bad ym pat lah ban pynlip
khoit ïa ka kumno I Bah H.S.Shylla kum u CEM uba don ka jingkit khlieh halor jong ka I divert ïa ka attention y m tang ka jong u paidbah hynrei wat ka Sorkar Jylla bad jong kita ki Seng Bhalang ne ki Seng Trei Mon Sngewbha da kaba wanrah ïa kane ka issue Khasi Custom of Lineage(2nd Amendment) Bill, 2018 kaba pynkhih win ïa ka Jaidbynriew. Nalor nangta kaei ka jingmut ne ka jingthmu jong I ne don aïu ha lyndet halor ka jingweng bad ka jingbujli Syiem Thymmai ha ka Hima Mylliem, ka Hima kaba dei ka trai jaka jong ka Them ïew Mawlong tang mar shu ïa long CEM jong I ?. Ai ki paidbah kin bishar halor kane da kaba budien ïa ki kam jong I naduh ka snem 1978 ter ter ha kaba ïadei bad ka Ri bad ka Jaidbynriew.
Khatduh eh, ha ka liang jong ka KCK (2nd Amd) Hato ka MANGA kam ïohi ba ïa ka Bill kaba la pass naduh ka snem 1997 bad kaba la saiñ da u Governor ha ka 2005 ym lah ban pyntreikam haduh mynta? Kumno in pynshisha haba I ong ha Sohra ba lada ïa kane ka 2nd amendment ym lah ban pyntreikam hapoh 3 bnai in khot da ka Dorbar. Hato kata ka Dorbar ka lah ban pynlong aiñ ïa ka bill? Ha Ri Khasi bad Jaiñtia ki kynhun shipiah, shisuka ; la bun bha bad ha kawei pa kawei ka kur ki la nang ïa roi. Lada ym don ka cut -off year ban pynïakhlad ïa ka mynnor bad ka mynta baroh kin shah kheiñ kum ki non tribal namar ki hiar pateng na ki non tribal. Kumta lada I bah H.S,Shylla im lah ban pynshai bha halor kane , kan long thik kumba plie ïa ka Pandora Box hapdeng u Khasi -Pnar. ïa kane donkam ban pyrkhat bha katba ka por ka dang don ba ka bill kam pat long Aiñ.