Press "Enter" to skip to content

Dawa ka CSWO bad TUR ban pynthikna ba u Lat un tip bniah halor ka khasi Lineage Act

Shillong, Nailar 18: Ka seng Civil Society Womens Organisation (CSWO) bad ka Thma u Rangli (TUR) kila dawa ïa ka Tnad District Council Affairs (DCA) bad u Myntri ka Tnad, ba ki dei ban pynthikna ba u Lat ka Jylla u dei ban ïoh lut ïa ki jingtip kiba bniah bad ki jingkynthoh ban pynsuk ïa u ha kaban shong bishar ïa ka KHAD ( Khasi Social Custom of Lineage) (second amendment Bill) 2018.
Kat kum ka jingong jong kine ki Seng, ki paidbah ki donkam ban ïoh jingshai shaei halor ka KHAD ( Khasi Social Custom of Lineage) (second amendment Bill) 2018. kaba tyrwa ïa kiba bun kiei kiei, ki kyndon kiba ïadei bad ka jingthaw ïa ki Dorbar Kur bad ka jingthung ïa ki Dorbar Kur nalor kiwei kiwei.
“Ngi donkam ban tip la ïa ka First Amendment la mynjur ne em bad lada la mynjur, balei ba ïa kane ka Amendment ym shym la pynpaw hangno hangno ruh” ong ka Kong Agnes Kharshïing.
Ka Kong Agnes ka ong ba lada ïa ka First Amendment kam ieng satia kat kum ki Aiñ, kumno la wanrah pat ïa ka Second Amendment?. ‘Ngin nym lah satia ban pdiang ïa ka jingthaw aiñ ba be-aiñ bad ngim pdiang ban shu ai daw na ka jingbakla ha ki nombor ne kiei kiei”.
Ka CSWO bad TUR ka ong, jin ba ïa kane ka Bill la thaw da ka jingkitkhlieh bad kaba la khot ïa ka jingïasyllok, kan nym don jaka satia ïa ka jingleh thurmur haba wanrah ïa ka Aiñ ka ban ktah jur ïa u paidbah.
“Ngi ban jur ba ka Tnad Aiñ jong ka Sorkar Jylla nalor kiei kiba ai jingmut jong ka Tnad DCA, ka dei pyllait ïa ki jing ai jingmut, ki jingpynshai bad ki jingthoh nalor kane ka Bill ha ka rynsan u paidbah ban ïoh iatai” ong ka CSWO.