Press "Enter" to skip to content

Ïalap ka AYUSH ban pyndonkam dawai Ayurveda bad Homeo

Jowai, Nailar 18: Ka tnad koit ka khiah jong Disrtict West Jaiñtia Hills District lyngba ka tnad AYUSH kala pynlong ïaka Public Health Outreach ne ka jingïalap halor ka koit ka khiah ha Khimusniang Indoor Hall haka sngi Thohdieng ban pynshlur ïaki paidbah ban pyndonkam ïaki dawai bad ai sumar bala lah ban ïoh na ki Doktor Ayush ba kynthup Ayureveda, Siddha & Unanu bad Homeopathy.
Kane ka jingïalap kadei katkum ka thong jong ka National Ayush Mission (NAM) jong ka AYUSH Ministry kaba la sdang naduh 2014 ban pynshlur ïaki paidbah ban pyndonkam ïa ki jait dawai ïoh na ki Doktor Ayush ba kynthup Ayureveda, Siddha & Unanu bad Doktor Homeopathy. Haka NAM ki nongtrei ka Ayush (Ayush Gram) ki hap ban leit pynsngewthuh ban pynïar ïaka rukom treikam da kaba leit sha ki skul ban jurip ïaki jingpang ki khynnah naduh dang rit ka rta khamtam ka jingpang klongsnam da kaba ai jingsumar ei lyngba ka skim RBSK.
Ka Dr. JV Shullai kaba long kum ka kongsan kala ba kum kine ki prorkam dei ban pynlong man ki por haki jaka sor bad khap sor khnang ba ki briew ki sngewthuh ïaka jingdonkam ka koit ka khiah bad ban long kiba tista ban ai dawai bad injek khun haka por kaba biang.
Kiwei kiwei ki doctor kiba kren ki kynthup ïa u Dr S Sumer Consutant Obs & Gynaecologist, Diabetes, ka Dr. DE Laloo, Ayurvedic Physician, Laskeiñ PHC, ka Dr. Lummi S Dan, Homeopathic Physician, RBSK, Laskeiñ Block, ka Dr. BT Hinge District Nodal Officer, AYUSH.