Press "Enter" to skip to content

Leit ai jingïarap ka KSU ïa ki ïing ba pynjulor mariang ha Mawïong

Shillong, Nailar, 18: Ka KSU Mawlai bad Mawiong ha ka sngi Thohdieng ka la leit ban ai jingïarap sha ki ar tylli ki longïing kiba don ha Mawiong kiba la shah lynshop ha ki bor ka mariang mynta ka taiew.
Kitei ki ar tylli ki longïing ki dei jong ka Kong Emina Jyrwa bad ka ïing jong i Kong Tiewrist Kharjahrin. Katkum ka jingïathuh jong ki, kawei na kitei ki ïing ka la shah lyngshop ha ka sngi u Blei katba kawei pat ka la shah tap ha ka khyndew ha ka sngi Palei.
Kumta, ha katei ka sngi, na ka liang ka KSU hapoh ka jingïalam jong u General Secretary ka seng, Bah Rapborlang Nongrum ki la noh synñiang da ka pis khnang ba kitei ki longïing kin ïoh ban thied ïa ki jingdonkam ba kyrkieh.
Ha kane ka sngi la donlang ruh u Rangbah Shnong ka thaiñ, Bah Anthony Kharkongor bad kiwei kiwei.