Press "Enter" to skip to content

Pynlong jingïalang ka CFHD bad ki Muster Roll halor ki jingeh kiba ki ïakynduh

Shillong, Nailar :Ka Citizens Foundation for Human Development (CFHD) ha ryngkat da ka jingïatreilang bad ka All Meghalaya Muster Roll Workers Union (AMMRWU) ka la ïoh ban pynlong ïa ka jingïalang hapoh Mawthadraishan Block ha kaba bun ngut na ki Muster Roll ki ASHA bad ki Anganwadi ki la wan ban ïashim bynta bad ïa don ryngkat lang ban ïakren ïa ki jingeh kiba kum ki nongtrei ki ïakynduh bad shah tynjuh na kapor sha kapor ha ki bor Sorkar.
Katei ka jingïalang ka la long mynnin ka 21 tarik Nailar 2018 hapoh ka Indoor Stadium jong ka Shnong Kynshi. Ka jingthmu kaba kongsan ba la pynlong ïa katei ka jingïalang ka long ka bynta ha ka ban ïarap ïa ka jingeh kaba kum ki nongtrei sha kitei ki thaiñ ki ïakynduh na kapor sha kapor kumjuh ruh ban buddien bad pynsngew sha ki bor kiba halor jong ka Sorkar ïa ki jingdawa kiba dang sahteng kaba kum ki nongtrei ki ïakynduh. Ka CFHD kan shim ïa ki lad ki lynti ban wad ïa ki kam kiba dang sahteng kiba kat haduh kine ki sngi kiba mynta ym shymn la lah ban pyntreikam na ki bor Sorkar wat hadien ba la dep ban pynsngew ïa kiba bun ki bynta kaba kum ki nongtrei ki ju ïakynduh.
Kaba bynta kaba kham kongsan ha kaba kane ka jingïalang ka la ïoh kalong ka jingpynkha shi syndon ïa ka tnat treikam jong ki Muster Roll da kaba la tip kum ka Mawthadraishan Block Muster Roll Workers Union bad la ïoh ïa ki nongkitkam naduh u President, Secretary bad kiwei kiwei ruh kumjuh. Katei ka Unit kan hap hapoh ka jing khmih jingpeit jong ka All Meghalaya Muster Roll Workers Union (AMMRWU) bad ruh kan hap ban pyntip shapoh ka Seng Kmie haba don kino kino ki jingjia kiba ki ïakynduh hapoh ka Block jong ki.
La ïoh sngew ïa ki jingkren napoh ka Citizens Foundation for Human Development (CFHD) lyngba u Bah Banshai Marbaniang, uba dei u President kumjuh ruh lem bad u Bah A. B. Nongbet, General Secretary jong ka Seng. La ïoh ïa ka jingkren na u Bah R. Thabah uab dei u President jong ka All Meghalaya Muster Roll Workers Union ha kaba laioh ban iatai sani bad ïakren na ka bynta ki kam kiba kongsan ha kaba ïadei bad ki nongtrei bapher bapher.
Na kaliang jong ki ASHA bad Anganwadi kila pynpaw ïa ki jingeh kiba ki ïakynduh hapoh ki shnong kaba ki don khamtam ha kaba ïadei bad ki khynnah kaba kim treh wat ban bam ruh ïa ki jingbam kiba nakaliang jong ka Sorkar ka la mang kyrpang na bynta jong ki namar ba kim ïahap bad ka met ne wat bad ka jaka kaba ki don ruh kumjuh. Watla bunsien ki ASHA ne Anganwadi kila ju pynsngew sha ki bor ba halor ia ka jingeh kaba ki ju ïakynduh pynban long lehnohei namar ymdon ba sngap wat tang khyndiat dei na kane ka daw kaba la pynkylla long ia ki paidbah nongshong shnong ba kin ïakynduh ia kiba bun ki jingjia kiba pher bapher.