Press "Enter" to skip to content

Rong tuh u bar jylla ïa ka kali Alto 800

Khliehriat, Nailar, 29: Uwei u bar jylla u la ïoh rong tuh ïa ka kali Alto 800 kaba don ïa u nombar ML-04-C 5926 na Khliehriat da kaba shu ai jadu aiu re ban pynshoh samthiah, pynkylla biej shipor ïa u nongñiah. Donbok ba une u ñongniah u dang lait im khlem kano kano ka jingshah pynmynsaw.
U samla Lakhon Tang, 23 snem ka rta na ka shnong Thadialong, uba dei u trai jong ka kali Alto 800 ML-04-C 5926 uba ñiah ruh ïa katei ka kali,uba dei ruh u khunswet khlem kmie khlem kpa shuh bad sah bad ki bahaïing ha shnong Thadialong,u la ïathuh ba ha ka 22 tarik mynta u bnai ha ka por janmiet katba u dang shong dihsha ha kawei ka dukan ha Khliehriat la wan uwei u bar jylla bad u la phah leit buh sha Lumshnong.
“Hynrei katba dang ïaid, ynda la palat ïa ka shnong Byndihati, ka khlieh ka la sdang ban king, sdang ban kem tlot ka met,ki khmat ruh ngam ïohi bha shuh, ki pang ki kjat, ha ka jingbym sngewthuh sngewthaw shuh nga la shu ñiah ruma ïa ka kali khlem da tip shuh poi shaei shaei ruh,hadien kata uta u barjylla u la phah buh noh ïa ka kali ha rud surok imat ba u tieng ïoh aksiden, kumta nga la thiah ha kali khlem tip briew shuh naduh kata ka por, kumba ha ka por 5:00 baje janmie bad imat dei ha kata ka por ba ngam tip briew shuh utei u bar jylla u ïoh rong tuh ïa ka kali jong nga,” u la ong bad ïathuh ba kane ka kali Alto 800 ka dei kaba u dang shu dep sei thymmai mynta dang khyndiat bnai.
Ynda la wan ka jingtip briew,um tip shuh ïalade u don ha shnong aiu bad ka kali ba u ñiah ruh ka Alto 800 kam don shuh ha kti jong u,um tip ruh ba u don ha shnong Kalain.
“Dei da ka jingïarap ki briew un sa shem ïaka jaka ieng kali Kalian-Ladrymbai bad dei hangta ha Station ha kalian u ïa kynduh ïa u Bah Marle Dkhar,uba ju kamai kali Ladrymbai-Kalain uba dei ruh uba ki ïa thuh ithaw bha,kumta u bah Marle Dkhar u la kit noh ïa u samla Lakhon da ka sumo jong u na Kalain haduh Lumshnong ha kaba kiba ha ïing jong u Lakhon ki la ap noh ïa u ha Lumshnong.
Halor kane ka jingjia u samla Lakhon Tan,umyn ha ka 24 tarik mynta u bnai u la buh da ka ejahar ha Khliehriat Police Station ban lap dien ïa utei u bar jylla bad ïa ka kali.
Ujor ka KSU sha