Press "Enter" to skip to content

Ujor ka KSU sha u DC WJH

Jowai, Nailar 29: Ka Khasi Students Union, Jaiñtia Hills District haka 27 tarik une u bnai kala leit ban ai da ka dokhat sha u Deputy Commissioner West Jaiñtia Hills District kumjuh ruh sha u DTO West Jaiñtia Hills ban ujor halor ka jingjyllei ki kali bym biang kot sla ban kamai khamtam ki trok kit mar poh khyndew kum u Mawshun, Mawsalin bad kiwei kiwei
U President ka KSU, Ohibait Dkhar ula kynnoh ba kine ki trok bun ki dei jong bar jylla bad kim don special permit, Trading License, Labour License bad ki wei kiwei de ki jait kot ba ïadei bad ki kam khaïi pateng.
Bun ki kali (trok) kiba shah beh na Majai-East Khasi, Dubri-Assam bad na sha Dalu Garo Hills District, mynta kine ki juh ki kali kila wan ban ïa knieh kamai bad ki trai ri trai muluk ban shalan Mawshun Mawsalin sha Bangladesh lyngba ka kad khaii Land Custom Station Tamabil Dawki kaba la ktah ïaka kamai kajih ki trai ri.
Halor kane ka KSU kala pynpaw ba kala dep ujor sha ka sorkar Jylla, District Council (Trading License), hynrei la leh kuman bad leh bymsuidniew ïa kane ka jingujor bad ym shym la shimkhia ei ban khanglad ïaki kali ba kamai khlem kot khlem sla.
Mynta ka KSU kala shim ka sienjam ban dawa na u DC, West Jaiñtia bad ula kular ïaka KSU ban shimkhia ban khot ka jingïalang haka 31.08.2018 ban ïakren halor kane ka kam khnang ban khanglaad ïaki trok kiba kamai khlem kot khlem sla.