Press "Enter" to skip to content

Rah ka Lyngiong Presbyterian SS ia ka 1st FKJGP Inter School FT

Shillong, Nailur 7: Ka Lyngiong Presbyterian Secondary School ka la ïoh rah ïa ka nam lahduh, hadien ba ka la lah ban pynliem ïa ka Silver Spring Adventist School (Lyng-iong) ha ka lympung ïalehkai phutbol jong ka 1st FKJGP Inter School Tour-nament 2018 ba la pynïaid da ka FKJGP, Tysrad Circle lyngba ka tie-breaker, ha ka jingïakhun ïa ka phainal ba la long ha Madan Sohjhursaw Tyrsad ha ka 6 tarik u Nailur, 2018.
Kiwei de ki khusnam ba la sam ha kane ka sngi ki kynthup ïa ka nam Best Player ba la ioh da u Ebestar Khongsit (Silver Spring Adventist School (Lyng-iong), ka nam Best Goal Keeper ka la leit sha u Pynshongdor Jyrwa Lyng-iong Presbyterian Secon-dary School, Youngest Player la ïoh rah da u Rickybanjop (St. John Vianny Secondary School) bad ïa ka nam Discipline Team la ïoh rah da ka Silver Spring Adventist School (Lyngiong).
Ha kane ka sngi na ka liang jong ka seng ka la pynkup burom kyrpang ruh sha ki 20 ngut ki Player Football ka thaiñ kiba la noh synñiang sha ka long ïing baduk na ka song pisa kaba ka FKJGP Tyrsad Circle ryngkat ka TASA ka ïoh ruh ban jied ia 10 ngut ki khynnah skul ban leit sha ka jingpyrshang (trial) ka M.F.A. U17 Sub Junior Boys.
Kane ka phainal ka la nang iphuh iphieng da ka jingdon ryngkat u Bah Welbirth Rani President ka FKJGP Seng kmie kum u kongsan, Bah Dundee Clitt Khongsit General Secretary kum u symbud kongsan bad ki riew rangbah.
Kane ka long katkum ka kyrwoh ba la phah da u Batkhraw Rani, u Kuparfill Umdor bad u Kynsai Rani, u President, u Sport Secretary bad u Secretary ka FKJGP Tyrsad Circle.