Press "Enter" to skip to content

Pynlong Talent Fest ka Maharam Govt HSS ban kyntiew ïa ka sap ki samla pule

Mawkyrwat, Nailur, 08: Ka Maharam Government Higher Secondary School, Mawkyrwat lyngba ka Co -Curricular Activities Committee jong ka hapoh ka jingïalam ka Miss D.B. Buhroy Coordinator ryngkat kiwei ki dkhot ka Committee kum shibynta ban kyntiew ïa ka sap ka phong jong ki samla pule katei ka jaka ai jingnang jingstad ka la pynlong ïa ka lympung pyni sap ba arsngi ba la tip kum ka MGHSS Talent Fest 2018 ha ka 30 bad 31 tarik u Nailar.
Ha katei ka lympung pyni sap ki samla pule ki la ïashimbynta shitrhem ban pynpaw ïa ki sap bapher bapher. Ki nongjop ha ki sap bapher bapher ha ka kyrdan ba nyngkong ki long ha ka Spelling Bee – Lateiphylla Lyngkhoi, Debate – Rosecyful Ïawphniaw, Essay – Bapynkmenshisha Wanniang, Drawing – Shemborlang Lyngkhoi, Painting – Banshemjingkmen Shangdiar bad Nine Star Thongni, Salad Arrangement – Kmenhunshisha Kharwanniang, Flowers Arrangement – Deimaya Lyngdoh, Quiz – Bapynkmenshisha Wanniang bad Pyndapborlang Tongwah, Group Singing – Red House, Fancy Dress – Kynphambor Wanniang, Group Dancing – Green House, Calligraphy (Seniors) – Renaldlang Thongni, Calligraphy (Juniors) – Rishotskhem Wanniang, Extempore Speech – Joskaldius Nonglang, Singing (Duet) – Green House.
ïa ka nam ba don sap tam na pdeng ki samla pule kynthei bad shynrang ba la tip kum Most Talented Girl la ïoh rah da ka Bapynkmenshisha Wanniang bad Most Talented Boy la ïoh da u samla Nestal Calvin Thongni.
ïa ki khusnam sha ki nongjop bapher bapher la sam da u Bah T. Wahlang, Principal ka skul ha ryngkat ki nonghikai. La pynhap pyrda ïa katei ka lympung da u Principal bad la ïoh ïa ka jingkren ai khublei na u Babu S. Kharbteng uba la pynkynmaw ba katei ka lympung kan long shisha ka jingmyntoi ïa ki samla pule ban pyni ïa la ki sap ba ki don bad ba kin pynjanai khambha shuh shuh ha ki por ban dang wan ïa la ki sap da kaba ai khublei kyrpang ïa baroh ki samla kiba la ïashimbynta shitrhem bad kumjuh ïa baroh ki nonghikai kiba la ïatreilang ban pynlong ïa katei ka lympung pyni sap ki samla pule kaba jop bad kaba seisoh.