Press "Enter" to skip to content

Ingkhong ka ïing ba bthei ka tyndong shet jingshet ha Baridua 9 mer

Nongpoh, Nailur 13: Ka long ka jingjia ba sngewtriem hadien ba kawei iing kala kem ding bad bthei syndon hadien ba kawei ka tyndong shet jingshet kala bthei haduh ba ka iing kala kem ding bad baroh ki jingdon jingem hapoh iing kila ingkhong khait.
Katkum ka jingtip bala ïoh lum la ïathuh ba katei ka jingjia kala jia haka por 11 baje eiei mynstep haka shnong Baridua, 9 Mer ha Ri-Bhoi kaba dei ka iing jong ka Binodina Sangma 56 snem ka rta, katba katei ka longkmie ka dang shet ja ha iing, hynrei ha katei ka por ka kum klet ban pynlip ïaka gas ba dang shet ja bad leit ban thied jingthied sha iew kaba la suba bad pynlong ruh ïakatei ka tyndong shet jingshet ban kem ding bad bthei syndon haduh ba ki tiar ki tar bad ki jingdon jingem baroh kila ingkhong khait.
Ha katei ka por naka liang ki para marjan kiba ïohi ïaka jingkem ding kila mareh mar mar sha katei ka jaka naka bynta ban pynlip ïaka ding kaba la klang da ka jingtieng ba ïoh katei ka ding ka pur sted sha kiwei pat ki iing ba marjan, bad la pyntip ruh ïaki kali pynlip ding ha kaba khlem pynslem ki kali pynlip ding na Assam kila poi sha katei ka jaka, ryngkat ka State Disaster Respond Force ryngkat ka jingïarap ki pulit na Khanapara Police Station, hynrei naka jing jur ki thylliej ding kiba la klang ym shym lah ban pynlip shuh ïaka ding kaba la pynlong ïaka iing ban ingkhong khait bad kylla dpei syndon na katei ka jingjia.
Shuh shuh donbok ba ha katei ka jingjia ba shyrkhei naka jingkem ding bad bthei ka tyndong gas, ym shym don ba mynsaw namar ba ym don briew satia ha katei ka iing, katba ki jingdon jingem baroh ki la duh bad ingkhong lur ha katei ka jingjia.