Press "Enter" to skip to content

Kyllan ka HYC da ka sia juti ïa u bar jylla ba shait kynthei ha Khyndai Lad

Shillong, Nailur, 29: Ka Hynñiewtrep Youths Council (HYC) Shillong City hapoh ka jingïalam u President u samla Franky Kharumnuid, hynnin ka nohphai sngi ka la ai jingsneng ïa uwei u bar jylla uba ju shong bylla niad sia juti ha Khyndai Lad da kaba kyllan ïa ka dur khmat jong u da ka sia juti halor ka jingkynnoh ba u donkti ban kren kynshleiñ ïa ki samla kynthei bad ïa ki longkmie kiba ju ïaid ha surok Khyndai Lad, kaba ju long ka iew ïadie ïathied kaba thnem da ki nongleit nongwan bad ki nongsiew nongpet.
Ka HYC ka la ai jingsneng ïa une u bar jylla ïa uba la tip kyrteng kum u Radhe Shyam Ram hadien ka jingïoh ujor na kawei ka thei samla kaba la kynnoh ba une u bar jylla u la kren da ki ktien khlemakor bad jrong kti ruh ïa ka..
Katkum ka jingïathuh ka HYC, la ong ba don ruh ki longkmie kiba la wan ban patrong ïa une u bar jylla namar ki kam kren kynshleiñ jong u bad ka HYC ka la ïathuh ba ym dei tang ïa kane ka samla hynrei ïa bun kiwei pat kiba u la ju mlien ban leh bad kren Khlemakor.
Hadien kane ki dkhot ka seng ki la leit aiti ïa une u bar jylla sha ki pulit ka Sardar Police Station, Shillong khnang ba ki bor ka aiñ kin pynshitom ïa une ubriew.