Press "Enter" to skip to content

Plie lad ka MePDL ban treikam ki kompeni ba nabar, ong ka KSU

Shillong, Nailur, 29: Ka khasi students’Union (KSU), hadien ba ka lah ioh ka jing ujor na ki para ri ka la buddien halor ka rukom pynmih Kam jong ka ophis” Meghalaya Power Distribution Corporation limited (MePDCL) ha ki Katto katne ki kam, ha kaba kane ka ophis kam shym la bate ïaka kam ne ban phiah Ïa ki kam ha ka rukom kaban plie lad Ïa ki  trai ri trai muluk ban ïoh Ïa shim bynta ban thep Ïa ki kam jingtrei.
Katkum ka  jingïoh jingtip jong ka seng halor ka scheme SAUBHAGYA(100% household electrification  through construction of kv 11 line with acrs “Weasel”,conductor, installation  of distribution  transformers, construction of 3 phase for connectivity, “household service connection), kaba yn sa pyntrei kam habaroh kawei ka jylla,ha kaba bun ki trai muluk kiba ïeng ban trei kam hala ki jong ki kjat ki ap khmih lynti ban ïoh ïashim bynta hynrei ka jingbym bate ne phiah ban shu ai kyllum ïaka jing trei ka long ka jing khanglad Ïa ki trai ri bad ka long ka jingplie lad Ïa ki briew kiba na shabar(company) ban ioh iakatei ka kam .
Ka Seng, lyngba ka kyrwoh na u Rapborlang Nongrum, Publicity Secretary, ka ong, haka jingshisha dei ban bate ha ka lynti kaba dei khnang ba ki trai ri ki ba trei ha ki kam lajong kin ioh ban ïashim bynta ban trei, hynrei la pynkylla ïaka ki kyndon thep ïakatei ka kam, kaba kdew shai ba dei tang ki company nabar kiba lah ban pyntrei.
Kane ka jing leh kane ka ophis ka long kaei kaei kaba pyndiaw pynduh mynsiem ïa ki Samla kiba sdang ban trei ha ki kam lajong, Kiba ïeng hala ki jong ki kjat khlem da ap khmih lynti tang Ïa ka kam sorkar.
Kumta ka seng ka kyntu ia ka sorkar ban tuklar, khamtam Ïa u Myntri ka tnad bording, ban pynbeit ïa kane ka bynta khnang ba kan nym long ka jing khang lad ïa ki trai ri trai muluk.
Ka kyrwoh ka ïathuh ruh ba ka seng ka la ïoh jingtip ruh ba ki lah don lypa artylli ki company na shabar jylla kiba kane ka ophis ka mut ban ai ïa katei ka kam, bad kane hi ka long ka jing lyngngoh balei yn pyrkhat ïa kita ki company na bar, haba ki briew lade ki lah ban trei?.
Ka Seng ka ong ba kan sa leit ban kynduh Ïa ki bor ba dei peit ïak ane ka bynta, namar kam kwah ba ïa ki kam ba ki trai ri kiba ki la lah ban trei yn shu wan klun jubor da ki briew kiba na shabar.