Press "Enter" to skip to content

Pyllait paidbah ka AIR ïa ka Amazon Echo dot Device on Alexa ha ki 14 jait ktien

Shillong, Nailur, 29: Ka All India Radio ka la pyllait paidbah ïa ka Amazon Echo dot Device on Alexa ha ki 14 tylli ki jait ktien jong ka ri India. Ki jingshakri jong ka AIR ïa mynta ki long lyngba ka Vividh Bharati/FM Gold/FM Rainbow/AIR Urdu/AIR Gujarati/AIR Marathi/AIR Marathi/AIR Punjabi/AIR Malayalam/AIR Tamil/AIR Telugu/AIR Kannada/AIR Bangla/AIR Raagam/AIR Odia/Radio Kashmir/AIR Assamese/AIR, North Eastern Service, Shillong.
La pyllait paidbah da u Myntri ka tnat Information & Broadcasting, Youth Affairs and Sports u Col. Rajyavardhan Rathore
hynnin ka sngi ha ka por 3:00 baje nohphai sngi ha ka jingïalang kaba la long ha Fielden Hall jong ka Akashvani Bhawan, ha Parliament Street, New Delhi.
La sakhi lang ha kane ka sngi da u Dr. A. Surya Prakash, Chairman ka Prasar Bharati, u Shashi Shekhar Vempati, Chief Executive Officer ka Prasar Bharati, u F. Sheheryar, Director General ka All India Radio, ka Supriya Sahu, Director General ka Doordarshan, u C.B.S. Maurya, Engineer-in-Chief ka All India Radio bad ki Directors General jong ka News for Doordarshan bad All India Radio.
U F. Sheheryar, Director ka General All India Radio u la ïathuh ba ka jingpyllait paidbah u la ong ba ka donkam haduh katta katta ban don ïa ka jingshakri lyngba ka Amazon Alexa ha kane ka ri kaba la ïaid shaphrang ha ka jingpyntreikam ïa ka Digital India.
U Rajiv Sawhney, Principal Business Development Manager ka Amazon bad u Dilip R.S., Country Manager ka Alexa Skills ha India ki la pyni paidbah lyngba ka Power Point Presentation halor ki tiar ba la pyndonkam ha kane Amazon Echo.
U Col. Rajyavardhan Rathore, haba kren kum u Kongsan u la ai khublei ïa ka Amazon bad ïa ka All India Radio na ka bynta kane ka jingïatehlok bad kane ka lad pathai khubor paidbah bad pynpw ruh ïa ka jingkmen ban ïohi ba ka jingshakri kan rung sha manla ki thliew iiing lyngba kine ki tiar ki kor katkum kane ka juk mynta.
Ïa kane ka jingpynbna ïa ka Amazon Echo la pynbna paidbah da u F. Sheheryar, Director General ka All India Radio ha ka jingwan jngoh jong u ïa ka North East-Shillong bad Guwahati ha u bnai Naiwieng bad hynnin ka sngi thohdieng la pyllait paidbah ïa ka Amazon Echo lyngba ka AIR North Eastern Service Shillong bad AIR Assamese.