Press "Enter" to skip to content

Pyninam ki Shipai ïa ki tiar siat, ha ka lyngkhuh snem “Surgical Strike’

Shillong, Nailur, 29: Kum shi bynta ka jingrakhe ïa ka lyngkhuh ba ar snem ïa ka “Surgical Strike” ki shipai ki la pyninam sha ki paidbah ïa ki tiar siat mynta ka sngi saitjaiñ bad ai jingpynshai ruh halor ki tiar ba la pyndonkam da ki shipai ka ri ban ïada ïa ka ri na ki nongshun.
Ki tiar siat ba la pyni paidbah ha kane ka sngi, ki kynthup ïa ki tiar siat barit, ki tiar nukliar, biological and chemical (NBC), kiwei kiwei ki tiar siat ba la buh pynwandur itynnat ha ki kamra ba la shna kyrpang.
Ki dkhot ka National Cadet Corps (NCC) ki la ïohsngew ruh ïa ki jingkren na ki heh shipai kiba la ai jingtip kumno ban pynïasoh ïalade sha ka kam shipai jong ka ri (India Army).
Kane ka sngi kam shym la long tang ban jingpyni nam ïa ki tiar siat sha ki paidbah hynrei la pyni pyrthei ruh ïa ka kynhun nongput badonsap jong ki shipai.
La sakhi ruh ïa ka jingwan ïashim bynta na kiba bun ki paidbah nongshong shnong, khamtam na ki khynnah skul bad ki samla pule.
Ka kynhun NCC Group na Shillong ka la pynlong ïa ka jingai jingbatai halor ka Surgical Strike ba la pynbud pat da ka jingïaphylliew jingmut bad ki sama pule ïa kaba la pynlong ha Umshyrpi Collage, Shillong