Press "Enter" to skip to content

Rakhe ka DLSA West Jaiñtia Hills ïa ka ‘World Mental Health Day’

Jowai, Risaw : Ka ophis District Legal Service Authority, West Jaiñtia Hills ha kane ka 10 tarik mynta u bnai ka la ïa snohkti lang ban rakhe ïa ka World Health Mental Day kaba la long ha Dorbar Shong Shanpung Pohshnong halor ka theme ‘Young People and Mental Health in a Changing World’. Ki khynnah skul ka Khadar Nor Secondary School, Shangpung bad ki nongshong shnong ka thiañ kila wan ïashim bynta lang ha kane ka prokram.
U D.S Marbaniang, Secretary of District Legal Service Authority haba kren ula ban kumno ban ïada ïalade ban lait na kane ka jait jingpang kaba lah ban ktah ïa ka bor pyrkhat pyrdaiñ jong u briew, kumta ha ka jingim briew dei ban tip bha ban sumar ïa kane ka jait jingpang na ka bynta ka koit ka khiah la ong u ma Marbaniang.
Hadien kane la don ruh ka jingpyni dur bad jongbatai halor ka Legal Aid Council da u ma D. Lamare bad ka D. Suchiang. Para Legal Volunteers. na ka liang u Vinolist Synkon bad ma Jngai Myrmen ki la ai jingkren lang ha kane ka sngi.
Ïa ka prokam la pynïaid da u ma B. Niang katba ïa ki kyntien ai khublei la ïoh na u ma Teilang Suchiang.