Press "Enter" to skip to content

Aiu ka Supreme Court ka rai halor u Aadhaar?

PBM Basaiawmoit

Tang kum ka jingpynkynmaw:La sdang ban pynrung ia uta u Aadhaar Number (AN) naduh U Nailur, 2010 da ka Sorkar UPA II, kaba la wanrah ruh ia kata ka Unique Identification Authority of India (UIDAI), Bill, 2010 hynrei ia kaba ka Parliamentary Standing Committee on Finance ka la kyntait na kiba bun ki daw. Bad ha ka 23 tarik U Nailur, 2013, ka Supreme Court, ka la pass ia kata ka Interim Order ba ym dei ban pynbor ka jingpynrung Aadhaar iano iano kumba la ai jubab ka Sorkar UPA II sha ka SC ba ka shong ha ka mon shimet ym da kaba pynbor (voluntary not mandatory).
Ynda la wan shim jingsynshar ka Sorkar NDA II, la sdang khohreh biang ka jingpynrung Aadhaar ha kiba bun ki bynta bad ha ka snem 2016, la wanrah syndon da ka Bill ha ka Dorbar Lok Sabha bad tang hapoh ar bad lai taiew, baroh artylli ki iing, kata, Lok Sabha bad Rajya Sabha, ki la pass bad kubur ban pynlong ain ia kata ka THE AADHAAR (TARGETED DELIVERY OF FINANCIAL AND OTHER SUBSIDIES, BENEFITS AND SERVICES) BILL, 2016. Bad U President ka Ri India, shwa ban kut U ‘nai Lber, 2016, u la soi ia ka ba kan long ka ain pyntrei kam noh. Bad mynta la tip ia ka, kum kata ka Aadhaar Act.
Kane ka kam ka la poi sha ka Supreme Court ha kaba la don haduh 31 tylli ki dorkhast pyrshah ia ka jingpyntrei kam ia u Aadhaar kynthup ruh kaba pyrshah ia kata ka Aadhaar Act namar hana ba la pynrung bym dei sha ka Rajya Sabha kum kata ka Money Bill. Kynthup ruh ha kaba 1564 ngut ki para doh para snam jongngi, ki la ai jingthoh sha ka Supreme Court ia kaban shah ban weng/law noh ialade na kaba don uta u Aadhaar na kiba bun ki daw khamtam eh, ba la shah pynbieij, pynbor, pynthame bad bym pat tip bha ia ka jingmut bad jingthmu jong u.
Ka 26 tarik U Nailur, 2018:
La palat shisnem, ngi la ia ap ia ka Rai ka Supreme Court (SC) halor ka kam Aadhaar, khamtam lei lei kito kiba la phah dorkhast pan pyllait na ka jingdon Aadhaar bad kito kiba la sangeh ka jingshim pension namar ba dawa don Aadhaar. Ki kmie ki kpa jong ki khun kiba phah pule shabar bad wat hangne ruh, ki don kiba la lyng-a kwah tip noh aiu bad kumno ka SC kan rai ?
Dei ha ka 26 tarik U Nailur, 2018, ba ki san ngut ki nongbishar jong ka SC kiba la ai bad pynmih paidbah ia ka RAI jong ki halor kane ka kam. Saw ngut ki ia hap ha kajuh ka jingmut lane pynhap sawar lang katba U Justice D. Y. Chandrachud, u iapher ka Rai na ki. Kumta, ka la long 4-1, ym ba baroh ki ia hap lang kumba la ai RAI tylli mlon ia ka Right to Privacy da ki 9 ngut ki nongbishar ka SC myn shem snem, ha ka 24 tarik U Nailar, 2017.
Ka Rai jong SC (majority ruling) halor u Aadhaar:
Ka ain pyntrei kam ia u Aadhaar ka long kat kum ka Riti Synshar ka Ri India (constitutional validity) kaba thew ba donkam Aadhaar ia —————
Ka jingioh jingmyntoi na ki skhim iarap ka Sorkar Pdeng & Sorkar Jylla (access to Govt. social welfare schemes), kata kum PDS, LPG, MGNREGA bad kiwei;
Ka jingthep income tax returns { jingpynshai: tangba ki riewlum (scheduled tribe) kim donkam file income tax, kata, lada ki biang ki dulir kum Tribal Certificate;
Kaban pyniasoh bad ka PAN (Permanent Account Number) Card.
Ym donkam Aadhaar na ka bynta, Ban plie bank account;
Ban rung skul bad ha kiwei jylli jaka pule kum CBSE, NEET, UGC; Ban ioh mobile & internet connection, plie website Ban leit jingleit da ka rel ne bad ka liensuin/erplen, thied ticket leit peit cinema, sah hotel, policy insurance, ba thep ha ki mutual funds kiba dei jong ki private company bad kiwei.
Kiba la pdiang Aadhaar namar kitei ka jingdonkam haneng, lada ki sngewdei, ki lah ban law/weng noh na ka jingdon Aadhaar.
La weng noh ruh ia ki kyndon ka Section 33, Section 47 bad Section 57 kiba la thoh/ong kumne:
Section 33 (ha ka ktien Phareng): “(1) Nothing contained in sub-section (2) or sub-section (5) of section 28 or sub-section (2) of section 29 shall apply in respect of any disclosure of information, including identity information or authentication records, made pursuant to an order of a court not inferior to that of a District Judge:
Provided that no order by the court under this sub-section shall be made without giving an opportunity of hearing to the Authority.
(2) Nothing contained in sub-section (2) or sub-section (5) of section 28 and clause (b) of sub-section (1), sub-section (2) or sub-section (3) of section 29 shall apply in respect of any disclosure of information, including identity information or authentication records, made in the interest of national security in pursuance of a direction of an officer not below the rank of Joint Secretary to the Government of India specially authorised in this behalf by an order of the Central government.”
Section 47: “ (1) No court shall take cognizance of any offence punishable under this Act, save on a complaint made by the Authority or any officer or person authorised by it.
(2) No court inferior to that of a Chief Metropolitan Magistrate or a Chief Judicial Magistrate shall try offence punishable under this Act.”
c. Section 57: “Nothing contained in this Act shall prevent the use of Aadhaar number for establishing the identity of an individual for any purpose, whether by the State or anybody corporate or person, pursuant to any law, for the time being in force, or any contract to this effect..”
(La ai khnang ia kine ki section jong ka Aadhaar Act ba la weng ka Supreme Court khnang ba tip bad husiar bha ioh shah batai/ialam bakla)
Ka Supreme Court ka la bthah/ai jingmut ia ka Srokar Pdeng ban wanrah ia ka AIN ban iada ia ka jinglong kyrpang jinglong barieh jong ki nongshong shnong ka Ri India kaba ha ka ktien Phareng, ka dei kata ka ‘Data Protection’. Bad hangne, ka Sorkar India ka la pynkhreh lypa ia ka Bill, “The Personal Data Protection Bill, 2018” ia kaba donkam ban phah la ki jingai jingmut halor kane ka Bill, kata, la ka biang, tam ne duna ne kumno ?
Ha kaba iadei bad ki jingshem U Justice D. Y. Chandrachud, yn sa ai ha kawei pat ka por, lada sngew donkam ban tip.