Press "Enter" to skip to content

Pynbna ka UDP ïa 10 ngut ki kyrtong MDC kynthup 2 ki MLA barim bad 4 ki MDC

Ngin nym ïatreilang shuh bad ka HSPDP
Shillong, Risaw 16: Ka United Democratic Party (UDP) hynne ka sngi ba-ar, kala pynbna ïa ka thup kyrteng ba nyngkong jong ki 10 ngut ki kyrtong, ki ban aireng ha ka elekshon MDC-2019 sha Khasi Hills Autonomous District Council (KHADC).
Ïa kine ki kyrtong la pynskhem da ka State Election Committee (SEC) ha ka jingïalang ba long hynne bad napdeng kine ki kyr teng, arngut ki dei ki MLA barim bad 4 ngut ki MDC ki MDC ba myntajongka KHADC.
Ki MLA barim ki dei u Bah Embhalang Syiemlieh u ban aireng na Mawlai Constituency bad u Bah Titostarwell Chyne na Sohra Constituency.
Ki MDC pat ki kynthup ïa u Chairman Bah Teinwell Dkhar na Shella bad laingut ki Executive
Member (EM)- Bah Donkupar Sumer na Umsning, Kong Rona Khymdeit na Nongpoh bad Bah Ricky Shyllai uba dang shu rung shen sha ka UDP na Laban-Mawprem Constituency.
“Ngi la rai ban pynbna ïa ka thup ba nyngkongjong ki kyrtong ki ban aireng ha ka elekshon MDC ha KHADC” ong u Dr Jemino Mawthoh, General Secretary ka UDP haba ïakren bad ki nongthoh khubor hadien ka jingïalang.
Une u Nongïalam ka UDP ula pyntip ruh ba ka Party kan sa pynbna ïa ka thup ba khatduh jong ki kyrtong ha ka 31 tarik u Risaw.
Kiwei kiwei ki kyrtong bala dep pynbna ki dei u Bah S Basing Roy Kharshandi na Nongthymmai, u Bah Olan Suin na Mawsynram, u Bah Mc Donald Kharkongor na Mylliem bad u Bah Khmashai Lyngdoh na Mawphlang-Diengiei.
Haba ïadei pat ba ka elekshon MDC sha JHADC, u Dr Jemino ula pyntip ba ka Party kala bthah ïa baroh ki District Unit ba kin pynkloi noh ha kaban phah ïa ki kyrteng jong ki kyrtong ba pan ticket.
Nalor kane, u Dr Jemino u pyntip ruh ba ka SEC kala thaw ruh ïa ka Manifesto Committee na ka bynta ka elekshon MDC sha KHADC bad JHADC bad ïa kane ka Committee la khlieh da u Working President Bah Bindo M Lanong bad ki dkhot pat ki kyn thup ïa u General Secretary Dr Jemino Mawthoh, Bah Teinwell Dkhar, Bah Moonlight Pariat, Bah Lamdibok Sumer, Bah Finely Bareh, Bah Equator Nongrang bad Bah Donbok Khymdeit.
Haba pynpaw ba ka UDP kan nym ïatreilang shuh bad ka HSPDP ha kane ka elekshon MDC kumba leh ha ka elekshon MLA bala dep, une u Nongïalam ka UDP ua ong ba ka jingïatreilang kan nym don shuh hapdeng ki party hynrei la ieh ba kan don tang ka jingïasngewthuh jingmut hapdeng ki ar mamla hala ki jong ki jong ki Constituency.
Ha kajuh ka por, u Dr Jemino u pyntip ba ka Party kan sa shong ïa ka jingïalang jong ka Central Executive Committee (CEC) ha ka 27 tarik Risaw ha ka shnong Bangsïapa, North Garo Hills District.