Press "Enter" to skip to content

Khot ïakren ka Sorkar MDA ïa ki Sengbhalang halor ka Entry/Exit Point bad Residential Act

Shillong, Naiwieng 02: Ka Sorkar Meghalaya Democratic Alliance (MDA) kala khot ïakren ïa ka kynhun ki 13 Sengbhalang ba dawa pyntreikam noh ïa ki lad pyrrkhing mynder kiba khlaiñ (Comprehensive machanism), ban ïoh ïa ka jingiasngewthuh jingmut halor ki Entry/Exit Point ba thmu pynieng ha khappud bad ka jingpyntreikam pura ïa ka Meghalaya Resident Safety & Security Act.
Kat kum ka tyllong khubor, la iathuh ba ka Sorkar kala dep phah ïa ka shithi sha kane ka kynhun Sengbhalang ba kynthup ïa ka FKJGP, KSU, HNYF, RBYF, GSU, JYF bad kiwei kiwei, bad kala buh ïa ka 15 tarik kum ka sngi ban iashong jingialang ha kaba iathir iatai ïa ki daw ka jingslem ban pyntreikam ïa ki lad pyrrkhing mynder ba kynthup ïa ka jingpynieng ïa ki Entry/Exit Point bad ka jingthung ïa ki District task Force (DTF) ha baroh ki District ka Jylla.
Kane ka jingkhot ïakren jong ka Sorkar kala jia ruh hadien ba kane ka kynhun Sengbhalang kala byrngem ban pynlong noh da ka jingïakhih ha Jylla namar ka jingkuman bad jingbym patiaw jong ka Sorkar ban pyndep kloi ïa ki kam ki jam kiba la shu sah teng naduh u snem 2014. Kane ka kynhun kala pynlong ruh ïa ka jingïakhih daba iashong kyllaiñ myngor ha ka 4 tarik Risaw ha Shillong bad Tura ban pyni ïa ka dak ka jingbym lah shah shuh ban shu peit ïa ka jingiaid mattah jong ki kam ki jam.
Kane ka jingïakhih ki Sengbhalang ka long halor ka jingbuhteng jong ka Sorkar ban pynieng ïa ki ïa ki Entry bad Exit Point ha ki jaka khappud ki ban pyr rkhing ïa ka jingrung jingmih ki bar jylla bad ki mynder bad kumjuh ruh ban thung ïa ki District Task Force ha ki District ki ban pyntreikam ïa ka Meghalaya Resident Safety & Security Act 2016.
Lah ban kdew hangne ba ka jingpynieng ïa ki Entry bad Exit Point bad ka jingthaw ïa ki District task Force (DTF), ka long kat kum ka kyndon aiñ Meghalaya Residents Safety and Security act kaba la wanrah bad mynjur da ka Sorkar ha u snem 2016, kaba long shibynta ruh na ki lad pyrrkhing ïa ka jingrung kyrthep ki bar jylla bad mynder ri hapoh ka Jylla. Kumba long mynta, ka Meghalaya Residents Safety & Security Act-2016 kam pat treikam satia ha Jylla namar ka Sorkar haduh mynta mynne kam pat dep thaw satia ïa ka Rule jong kane ka Aiñ.
Kat kum ka jingiathuh jong u Symbud Myntri Rangbah dang shen, ka Sorkar kala dep ithuh kumba 25-26 tylli ki jaka ban pyn ieng ïa ki Entry bad Exit Point ha kylleng ki jaka khappud ka Jylla hynrei ka la shem jingeh ban ïoh jaka ha Ri-Bhoi namar ka jing bym mynjur jong ki trai jaka ban die ïa ki jaka jong ki.
Namar kane, ka Sorkar kala bthah ïa ka Deputy Commissioner ban wad jaka thymmai kaba iahap ban pynieng ïa kine ki khyndop