Press "Enter" to skip to content

Kyntu ka FKJGP ïa ka sorkar ban peit ïa ki nongrep lynshop phria

Nongstoiñ, Naiwieng 02 : Ka jing ther jong u phria ha ka sngi balang jong kane ka taïew ka la wanrah ïa ka jingjulor kaba khraw ïa ki jingthung jingtep khamtam eh ïa u kba bad ki jhur ki jhep. Halor katei ka jingjia na ka liang ki nongïalam FKJGP Rambrai Circle ha u kyrwoh ba la pyllait mynta ka sngi da u Samla T.Kharbani Agricultural Secretary ka la kyntu ïa ki bor sorkar ba kin shim khia na ka bynta ban ai jingïarap ïa kito ki nongrep kiba la shah ktah ha katei ka jingjia.
Utei u nongïalam ka seng u la ong ruh ba ha ka thaiñ Rambrai ki jaka kiba la shah ktah jur ki long naduh Ramsningwar ter ter haduh Mawthir, Mawlong haduh Mawdumdum. Nalor kata na ka liang ka seng ka kyntu ruh ïa ka sorkar ba kan thaw ki lad ki lynti ban ïarap ym tang ïa ki paitbah katei ka thaiñ hynrei ïa baroh ki nongrep hapoh ka distrik kiba shah ktah ha katei ka jing lynshop jong u phria.