Press "Enter" to skip to content

Thmu pynpra ATM bad tuh pisa ki runar ha Nongpoh

Nongpoh, Naiwieng 13: Ki runar bym lah ban ithuh kiba la kah dur khmat bha ïalade kila thmu ban pynpra ïaka ATM machine jong ka Punjab National Bank hynne ka step phyrngap ha Nongpoh.
Katkum ka jingïathuh jong ka Branch Manager jong katei ka Bank ka Ranjana Bhuyan kala ïathuh ba kane ka jingjia kala jia haka por kumba 3 baje eiei mynstep ha kaba ki runar kiba la kah dur bha ialade kila wan da kawei ka kali rit ba rong lieh kumba 5ngut eiei bad sangeh hakhmat katei ka Bank katkum ka jingiohi lyngba ki kor ringdur cctv.
Hadien ba ki runar kila hiar na katei ka Kali kila hiar beit ban leit pynpra ïa ka jingkhang Jong katei ka ATM kaba la khang tala bad kyndang jubor bad ioh rung shapoh.
Kala ïathuh ruh hadien ba ki runar kila rung shapoh ATM kila kah bad tap ruh ïaka cctv camera da ka plastic rong iong khnang ban nym iohi ïaki kam ba ki leh bad ot ruh ia u wire jong ka ATM machine.
Shuh shuh dei hadien ka jingpah Jong ka kor sawa (siren) ba kitei ki runar hadien ba kila rung kumba 5 minit eiei shapoh ka ATM kila mih bad phet krad noh khlem da ioh tuh ïaka pisa daka jingtieng Jong ka jingsawa ka kor siren ba ioh lehse ki paidbah bad ki pulit ki iohsngew.
Halor katei ka Jing thmu ki runar ban pynpra bad rongtuh ïaka pisa naka ATM machine ha Nongpoh naka liang ka Bank kila ujor ruh da ka ejahar ha Nongpoh Police Station bad naka liang ki bor pulit ki dang pynlong ïaka jingtohkit katkum ka jingiohi lyngba ki kor cctv ban lap ïaki runar ba donkti ha katei ka kam.