Press "Enter" to skip to content

Dawa dorbar kyrpang ka HSPDP halor ka Ktien Khasi

Shillong: Ka Seng HSPDP ha ka jingïalang kaba la long ha ka 13 tarik mynta u bnai, ka la rai ban dawa na ka sorkar ban khot da ka dorbar ba kyrpang na ka bynta ban pynbeit ïa ka Resolution ha kaba ïadei bad ka jingïakhun ban ïoh jingithuh ïa ka Ktien Khasi ha ka Khyrnit kaba phra jong ka Riti Synshar ka ri India.
Lah ban kdew hangne ba hadien ba ka ïingdorbar Thawaiñ ha ki bnai baladep, ka la mynjur ïa ka Resolution, la shem pynban ba ki don katto katne ki bynta kiba long ki dieng pynkiang ïa ka Ktien Khasi ban ïoh jingithuh da ka Riti Synshar jong ka ri.
Ka kyrwoh ba la phah da u Bah KP Pangniang, President bad Bah Renikton Lyngdoh Thongkhar, General Secretary, ka la pynpaw ba donkam ban lum da kawei ka dorbar ba kyrpang ban pynbeit ïa kane ka Resolution. Kumta ka Seng ka kyntu ïa u Myntri Rangbah ban lum da ka dorbar ba kyrpang halor kane. ïa kane ka jingdawa la phah ruh sha u Lamphang ka ïingdorbar, u Dr. Donkupar Roy.