Press "Enter" to skip to content

Shim shuti u Pulit, leit training u Magistrate

Shillong: Ka kaiphod jong ka Committee on Women Empowerment jong ka Meghalaya Legislative Assembly, kaba tohkit halor ka jingshah shoh i Kong Agnes Kharshiing bad Kong Amita Sangma, ka la lap ba u Pulit Langrut uba la ïashong dih sha bad kitei ki longkmie ha ka por ba ki lei tai jingujor ha Lad Rynbai Out Post, u la shim shuti noh tang mar ïajia katei ka jingshah thombor jong kine ki longkmie.
Ha kane ka kaiphod ba la wanrah ha ka dorbar kyrpang ha ka sngi baar, la pynpaw ruh ba u Additional District Magistrate, Bah SS Syiemlieh, uba khlieh ïa ka jingtohkit, um shym la wan sha ka jingkhot hajir kane ka Committee da kaba aidaw ba u leit training sha Delhi.
Kane ka Committee ka la lap ruh ba ki don shibun ki jingbym ïaid beit ha ka jingtohkit, khamtam ha kaba bun na ki Pulit bad ki ophisar ka East Jaiñtia Hills kim pat shah tohkit haduh mynta.