Press "Enter" to skip to content

Pynkhreh ka UDP ban sei kyrtong MDC na ki Constituency Ri-Bhoi

Shillong, Naiwieng, 28: Ka United Democratic Party (UDP)-Ri-Bhoi District kala pynkhreh shaid shaid mynta ban sei kyrtong na baroh ki 5 tylli ki Constituency jong ka District sha ka elekshon MDC-2019.
Ka State Election Committee (SEC) jong ka UDP ka dang dep pynbna tang arngut ki kyrtong na kane ka District, kiba dei ki MDC ba mynta hapoh KHADC kata i Kong Rona Khymdeit na Nongpoh bad u Bah Donkupar Sumer na Umsning.
Hynrei ka UDP-Ri-District kala pyntip ban sa phah sa ïa ka kyrteng jong u Bah Kessibor Kharbani sha ka SEC ba un long u kyr tong jong ka Party ban aireng na Mawhati Constituency.
“Ngin sa phah ïa ka kyrteng u Bah Kessibor Kharbani sha ka SEC ban pynskhem ïa u kum u kyrtong na Mawhati” ong u Bah Reyonald Kharkamni, General Secretary ka UDP-Ri-Bhoi District haba pyntip ba ka UDP-Ri-Bhoi ka don jingthmu ban sei kyrtong na baroh 5 tylli ki Constituency ka District ba kynthup ïa ka Umroi Constituency bad ka Jirang Constituency.
Katkum ka jingong jong u, ka jingïakren ban sei kyrtong sa na Umroi bad na Jirang Constituency kala ïaid shaid shaid hapoh ka District bad kala dep bthah ïa ki Unit jong kine ki Constuency ba kin phah noh ïa ki jingtyrwa kyrtong khnang ba ka District kan ïoh bishar shuwa ban phah sha ka SEC ban shim ïa ka rai ba khatduh.