Press "Enter" to skip to content

“Haba ha U Blei ki long katjuh, kumno ngin pynïapher pat ïa ki”

Rakhe ïa ka sngi kiba duna dkhot met
Nohprah 03: Ka Deputy Commissioner jong ka South West Khasi Hills District ka kong I. Laloo, IAS ka la ong, “haba ha U Blei ki long katjuh, kumno ngi ki briew ngin pyn¿apher haba ngi long ki juh ki jingthaw jong U Blei”, ha ka jingkren jong ka ha ka sngi rakhe ïa ka sngi ba kyrpang jong kiba don ka jinglah kaba kyrpang hapoh Maharam Government Higher Secondary School, Mawkyrwat.
Shuh shuh ka la ong ruh ba ngi kynmaw ïa kane ka sngi, ka long ban kynmaw ba kine kiba don ka jinglah kaba kyrpang ki long kiba kajuh hakhmat U Blei bad kumjuh ruh hakhmat jong ki briew bad ki ¿eng ha kajuh ka kyrdan kum ki briew kiba biang ha ka jinglong jong ki dkhot met. Ka la ong ruh ba kumba ka phang ka ong, “ban kyntiew lane aibor ¿a kine ki briew”, (Empowering persons with disabilities and ensuring inclusiveness and equality), kumta ngim dei ban ibeiñ ïa kum kine ki briew hynrei ngin pyrkhat kyrpang na ka bynta jong ki da kaba ngin ai ki jingïarap na ka bynta jong ki la ha kano kano ka kam ruh.
Ha ka juh ka por na ka liang ka DC, ka la ong ruh ba kane ka sngi ka long ban pynkynmaw ¿a baroh ki briew ba ki dei ban burom kum ¿a kine ki briew bad ban pynkupbor, ban kyntiew ¿a ki ha ka jingim jong ki la ha kano kano ka bynta bad ngin don ka jingshemphang kaba khraw halor kine kiba don ka jinglah kaba kyrpang bad ban don ruh ka mynsiem ban ïarap ïa ki. Ka la bynrap ruh da kaba ong, ba ha ka liang ki skul na ka bynta jong kito kiba don ka jinglah kaba kyrpang, ki donkam ka jing¿arap kaba kyrpang bad ka ïathuh ruh ba na ka bynta jong ki, ki don ki skul ba ki khot ki Special School khnang ba ma ki kin ïoh ïa ka jingnang jingstad bad ba kin lah ban kamai kajih kumba leh kiwei kiwei ki biang. Ka DC ka la kyntu ruh ïa ki paidbah ba kin wer lem ïa kiba don ka jinglah kaba kyrpang ba kim dei ban sheptieng, lehraiñ hynrei ki dei ban mih shakhmat khlem da don kano kano ka jingsngew ïapher khnang ba kin ïoh ïa ka jingjop la ha kano kano ka bynta.
ïa kane ka sngi ban kynmaw burom na ka bynta kito ki briew kiba don ka jinglah kaba kyrpang na ka liang ka office jong ka District Social Welfare Officer, South West Khasi Hills District ha ryngkat ka jingïatreilang bad ka office jong u Block Mission Co-ordinator (SSA), Mawkyrwat ka la ¿oh ban rakhe ha hapoh Maharam Government Higher Secondary School.
La pynïaid ïa ka jing¿alang da ka kong P. Suchiang, District Social Welfare Officer, South West Khasi Hills District. Ki nongkren ha kane ka sngi ki kynthup ruh ïa ka kong L. Lyngkhoi, Block Resource Person, Mawkyrwat Block bad u bah W. Syiemlieh, SDO, PHE uba uba la batai shaphang halor ki EVM &VVPAT bad ki Sign Language. ïa ka jingkren pdiang la ïoh na u bah S. Myrthong, M.R.W, Ranikor Block bad ka jingkren khublei na ka kong B. Wanniang, Supervisor, South West Khasi Hills District.
Ha kane ka sngi la ¿oh ruh ban sam ïa ki jingai sngewbha sha ki nongjop ha ki jingïalehkai bapher bapher bad kumjuh ruh ïa ka jingai jingsumar ei na ka bynta ki briew kiba don ka jinglah kaba kyrpang.
Jingrakhe ha Nongpoh:
Kum u MLA paidbah na Ri Bhoi District, u Bah George B. Lyngdoh u la kular ban ïakhun ban pynïoh ïa ka hok ki duna dkhot met na ka sorkar bad kino ki jingmyntoi ba la mang da ka sorkar na ka bynta ki duna dkhot met dei ban pynpoi thikna sha kito kiba dei ban ioh kumba la mang kyrpang.
U Bah George B. Lyngdoh u la kren ïa kitei ki kyntien ha kaba u la leit ban shim bynta mynta ka sngi kum u kongsan ban rakhe ïa ka sngi ki duna dkhot ba la pynlong da ka Association for Person with Disability, Ri Bhoi District ba la pynlong ha Grace Foundation school, Bhoirymbong.
“Kawei na ka skhim ban ioh jingmyntoi lang ki duna dkhot met ka dei ka skhim MGNREGA ba ka sorkar ka la mang kyrpang ruh ba ki duna dkhot met ruh ki dei ban ioh jingmyntoi na katei ka skhim nalor kiwei kiwei ki skhim ba la mang kyrpang da ka sorkar” ong u Bah George B. Lyngdoh bad bynrap ruh ba kum u nongmihkhmat u angnud ba kito kiba duna ka dkhot met kim dei ban shah kyntait ha ka sorkar ne ha ka imlang ka shalang” u la ong.
U la pynpaw ruh ka jingkmen ban iohi ïa ka jingïatylli ki briew kiba duna dkhot met ha Ri Bhoi bad kane ka pynpaw pyrthei ba ki don ia ka bor ban ïa khun ïa ka hok kaba ki dei ban ioh kumba long lem kiwei kiwei kiba biang ha ka dkhot met la ka dei ha ka kam imlang sahlang ne ha kino kino ki kam ba ioh jingmyntoi na ka sorkar.
Namarkata, u la kyntu ruh ïa ka Association ba kin dang bteng ïa ka mynsiem jong ka jingïatylli ban dawa ïa ka hok bad ngin nym lah ruh ban khot ïa kiba ki dei ki duna dkhot met, namar u Blei u la ai ka sap kaba kyrpang kumba la paw pyrthei ba wat la ki don ka jingduna ha ka dkhot met hynrei ka sap ka phong ba ki don ka pynpaw ba ki biang lut nadong shadong bad ngim dei ban leh klet ïa ki ha ka imlang ka sahlang pynban ngi dei ban ai mynsiem bad kyntiew ba ki dei ban long lang kumjuh kumba long lem kiwei kiwei kiba biang ha ka dkhot met, ula bynrap.
Kiwei kiwei kiba la ai jingkren ha kane ka sngi ki kynthup ïa ka MDC ka Nongpoh, ka Kong Rona Khymdeit, kaba la shim bynta kum ka symbut kongsan, u bah H. Syngkli, Rangbah Shnong ka Lumsohpieng bad ka Kong N. Wanñiang, kaba dei ka Sub Inspector of Police ba dei peit ha umiam Police Station kiba la pynpaw ba ki ioh mynsien kane ka jingrakhe ïa kane ka sngi kyrpang ki duna dkhot met.
Na ka liang u Bah Ronald Malai, President ka Association kitei ki duna dkhot met na Ri Bhoi u la ong ba ka jingthmu ban rakhe ïa kane ka sngi kyrpang jong ki, ka dei ka thong ban ai mynsiem ïa ki para duna dkhot met ba kim dei ban don kano kano ka jingsngewpher ba ki duna hynrei ki dei ban long lang kumjuh kumba long lem kiwei kiwei kiwei ha ka imlang ka sahlang.
U la ong ruh ka daw kaba la pynlong ban seng ïa kane ka Association ha Ri Bhoi ka dei kawei na ka thong ban ïakhun ïa ka hok jong ki duna dkhot met na ka sorkar bad ban pynthikna ba kim dei ban shah kyntait ha ka imlang ka sahlang bad kaei ka hok kaba ki dei ban ioh kumba long lem kiwei kiba biang ha ka dkhot met ka dei ban poi thikna sha ki duna dkhot met.
Shuh shuh, u la ong ruh ha ka lama ka Association ngin dang iaid bteng ban shakri bad ruh ban ia khun ïa ka hok la ha ka pule ka puthi, ka ioh kam ioh jam bad kiwei kiwei ki dei ban long lang kumjuh.
Ha kane ka sngi na ka liang ka Association ym tangba ka la rakhe ïa kane ka sngi kyrpang, hynrei ka la pynlong ruh ka jingiaid paidbah ban rah la ki lama bad ki banner ban dawa ïa ka hok ki duna dkhot met bad kumjuh ruh la pynlong ïa ka jingiakop rwai bad shad kaba long shi bynta ban pynshlur ïa ki duna dkhot met ba kim pher na kiwei kiwei ki ba biang ha ka dkhot met bad ki don kajuh ka hok kumba la pynkup bor da ka riti synshar ka ri.
Na ka liang ka Association ka la pynkut ruh ïa ka jingrakhe da ka jingot Cake ba la sam bynta sha baroh ki duna dkhot met kaba long ka dak jong ka jingïatylli bad ruh ban ai ka jingkmen sha ki para dkhot met.
Jingrakhe ha Jowai:
Ka ophis District Social Welfare Officer, West Jaiñtia Hills District, Jowai, kala rakhe ïaka sngi kyrpang ki briew ba don jingduna kaba la tip kum ka ‘International Day for Persons with Disabilities’ ha Recreation Centre, Nongtalang Village, Amlarem Sub-Division haka sngi Nyngkong.
Ka phang pdeng kane ka jingrakhe ka dei “Empowering Persons with disabilities and ensuring inclusive and equality.” U MLA ka thaiñ Ma Lahkmen Rymbui, ula long kum u kongsan.
U Ma Lahkmen ula pynshlur ïaki longkmie longkpa bad ki briew kiba don jingduna dkhot met ba kim dei ban duh jingkyrmen, hynrei ban pynleit jingmut ha kino kino ki sap ba kyrpang ba ki longtbit bad shemphang bad ka imlang ka sahlang ruh ka dei ban pdiang ïa ki briew ba don jingduna bad ban sngewthuh ïaki jingeh ki jong bad ban kyrshan ïaki.
Ka District Social Welfare Officer ka Kong J Synnah kala ïathuh ïaki lad jingïarap ba ki briew ba duna kin ïoh jingïarap naduh ka scholarships kaba ki lah ban ïoh bad kino kino kiba kwah ban ïoh myntoi kila lah ban wan sha ka ophis Social Welfare office, Jowai ryngkat bad ka certificate ha u bnai Ïaiong Jymmang.
Kiwei kiwei kiba kren ki kynthup ïa u Dr. S Tariang, Nongtalang CHC, M. Lyngdoh, Waheh Shnong Nongtalang. La ai sngewbha ruh da ki jaiñ bad ki tiar sha ki khynnah bad rangbah kiba don jingduna.
Shillong: Ïa kane ka sngi la rakhe ruh ha nongbah Shillong ha kaba u Bah Hector Marwein, Additional Chief Secretary, u la long u Kongsan bad u Bah FR Kharkongor, Chief Electoral Officer, Meghalaya, u la long u Kongsan Symbud. Ha kane ka jingrakhe la pyllait ruh ïa ka Meghalaya Sign Bank App, ka a mobile app ka ban ïarap na ka bynta ki briew kiba don jingduna ki dkhot met. La pynkup burom ruh ïa I Kong Batimon Nongsteng, Special Booth Level Officer na ka bynta ki briew ba duna dkhot met iba dei peit ïa ka Massar Polling Station hapoh ka Pynursla Assembly Constituency.