Press "Enter" to skip to content

Da ki tin sop iing bad tiar iing ïarap ka NBCC sha ka lanot pluh iing ha Plasha

Nongpoh, Nohprah 08: Hadien ba kawei ka longing ha ka shnong Rongskhong Plasha kala mad ïa ka jingjia ba sngewsih naka jingbam duh ka ding ïa ka iing bad ki jiungdon jingem baroh, kabala wanrah ka jingduhnong kaba khraw ïa katei ka longing naka liang ka Nongpoh Block Congress Committee hapoh ka jingïalam u Bah Plielad Tiewsoh President kala leit ban noh synniang bad ai jingïarap ïa katei ka longiingkaba la mad ïaka jingjia ba sngewsih bad bym poi pyrkhat.
Kum ban shu pynkynmaw ba ka ding kala klang bad bamduh ïaka iing jong u Bah Muni Makri haka step jong ka 3 tarik mynta u bnai haka por ba baroh ki dang don sha pynthor bad bunkam ban ot kba namar bala dei ka por ot, hynrei khlem tip na kaei ka dawka ding kala klang bad bam duh syndon ïaki jingdon jingem baroh haduh ba kin da kylla dpei kaba la wanrah ka jingduhnong kaba khraw ïaka iing ka sem.
Dei halor katei ka bynta kum ka jingpyntngen bad sngewlem naka liang ka Nongpoh Block Congress Committee hapoh ka jingïalam u Bah Plielad Tiewsoh President, Bah Opel Lyngdoh Working President, Bah Balajied Ranee Secretary bad kiwei kiwei ki dkhot kila leit ban sngewlem da kaba noh synniang bad ïarap ïa katei ka longing da ki tin sop iing, u khaw, ki tiar shet bad ki jaiñkup syaid sha katei ka longing lyngba ka jingïarap u Bah Mayral Born Syiem MLA ka Nongpoh watla um shym lah ban don bynta lang ha katei ka sngi.