Press "Enter" to skip to content

Bah khlieh ka sorkar ban shim ram ka MeECL haduh 170 klur tyngka

Shillong, Nohprah 10 : Ka kynhun Myntri ha ka sngi Nyngkong ka la mynjur ïa ka jingtyrwa jong ka tnad Bording ba ka sorkar jylla kan long ka nongbah khlieh (gurantor) ïa ka Meghalaya Energy Corporation Limited (MeECL) ban shim ïa ka ram kaba 170 klur tyngka.
Haba pyntip ïa kane, u Symbud Myntri Rangbah ka Jylla, Bah Prestone Tynsong u la ong ba sorkar jylla lyngba ka jingmynjur jong ka kynhun Myntri  ka la pdiang ban long ka nongbah khlieh na ka bynta ka Corporation ban shim ram.
Katkum ka jingïathuh jong u, katei ka ram kadei na ka bynta ban pynbha shuh shuh ïa ka rukom sam bording.
Ha kajuh ka por ka kynhun Myntri ka la pdiang ïa ka draft Meghalaya Telecom Infrastructure Policy 2018 na ka bynta ban peit ïa ki jingeh kiba mih na ka jingbym biang ka jingshakri ki mobile ha ka jylla. U Bah Prestone u la ïathuh ba katei ka policy kan treikam noh naduh ka 15tarik u Kyllalyngkot jong u snem ban wan.
Ha kajuh ka por ka kynhun Myntri ka la rai ban pynkylla ïa ka Lokayukta Act khnang ban lah ban pyntreikam pura ïa kane ka bor treikam.