Press "Enter" to skip to content

Ïasoi soskular ka Sorkar bad ka NeGD ban pyntreikam ïa ka GIS Project

Shillong, Nohprah 10: Ka Sorkar Meghalaya Democratic Alliance (MDA) kala ïasoi soskular Memorandum of Understanding (Mou) bad kaNational e-Governance Division (NeGD) jong ka Sorkar Pdeng ban pyntreikam ïa ka Geographical Information System (GIS) project ha Jylla Meghalaya.
Ïa kane ka soskular la ïasoi hynne ka sngi hapdeng u M.S Roa, ÏAS, uba dei u President bad CEO ka NeGD na ka bynta ka Sorkar India bad u
Bah MR Synrem, ÏAS, Commissioner & Secretary ka Tnad Infornatiom Technology & Communication (IT & C) ka Sorkar Jylla ha ka jingiadon ryngkat u Myntri Rangbah ka Jylla Conrad Kongkal Sangma.
Ka Sorkar Jylla mynta kan pyntreikam noh ïa ka Meghalaya GIS Project kaba long kat kum ka Decision Support System (DSS), ban ai ka jingshakri ym tang ïa ki Nongshongshnong ka Jylla, hynrei ïa ki nongtreikam lajong bad ki Tnad Sorkar.
Ka jingthmu jong ka Meghalaya Geographical Information System ka long eh ban pynïasoh lang ïa ki tnad Sorkar ka Jylla bad ka National Centre for Geo-Information (NCoG) ka Sorkar India, kaba la pynwan dur na ka bynta ban ïasam jingtip, iatreilang bad kiwei kiwei. Kan plie ïa ka lad ban tip ïa ki kor ba thymmai, ban wad jingtip ïa kiba bun ki kam ba lah ban lej da ka Geo Informatics, Global Positioning System (GPS) bad kiwei kiwei.
Ka Meghalaya GIS Project kan iarap ha kaban pyndonkam ïa ki jingtip lyngba ki Satellite ha ka ban plan bad wanrah ïa ki kam pynroi ha ki kam bapher bapher la ka dei ha ka rep ka riang, ka jaka puta, ki jaka shrah, ki water shed development, ka disaster management, ka pule puthi, ka kam jngoh kai, ki project pynmih bording, ka jingring umbam umdih bad kiwei kiwei.
Kum shibynta ban ai jinghikai ïa ki Ophisar ka Sorkar Jylla ha kaban pyndonkam ïa ka GIS na ka bynta ban plan bad shim rai ïa ki kam ki jam, la pynlong ruh ïa ka workshop ba shisngi da ka Tnad IT &C ha ryngkat ka jingiatreilang bad ka NeGD bad ka Bhaskaracharya Institute for Space Applications and Geo-informatics (BISAG), Gujarat.