Press "Enter" to skip to content

Ka jingeh ki nongrep ka dei bym don ïew: DC WJH

Jowai, Nohprah 10: U Ma Garod LSN Dykes, Deputy Commissioner West Jaiñtia Hills District ula ong “Kawei na ka jingeh jong ki nongrep ka dei ka jingbym don ka ïew ban die ïa ki mar rep jong ki. Wat ki marep kiba la rep khlem dawai ne sboh dawai ruh; kim pat ïoh jaka ne basa iew satia kaba biang ba kin lah ban pynïaidiew ïaki marrep jong ki ha ka dor kaba biang”.
Ka sorkar ka pyrshang ban wad ïaki lad ki lynti ban weng ïaka jingeh kaba ki nongrep ki ïakynduh khnang ban kyntiew ïaka rep ka riang bad ka kamai ka jih”, la ong u Deputy Commissioner West Jaiñtia hills District haba kren kum u kongsan ha ka jingplie ïaka ïew ba shi sngi jong ki Nongrep ne ka farmers’ market haka H.K. Singh School, Jowai haka sngi Nyngkong.
U Ma Garod ula ïaroh ïa ka Society for Urban and Rural Empowerment (SURE) kaba la ïarap bad kyrshan ïa ki kynhun ïarap dalade ïalade (SHGs) kiba la wan rah ïa ki mar kiba pynmih hi dalade.
Haba kren kum u shongknor jong ka jingïalang u Pastor HH Mohrmen uba long u Secretary jong kane ka Seng ula ong ba ïa kane ka ïew la pynlong daka jingïatreilang bad ka North East slow Food and Agro-biodiversity Society (NESFAS).
Ha kane ka sngi ki nongrep naka kynhun SHG bapher bapher, kila wan na ki shnong bapher bapher bad kial wanrah ïaki mar rep ha kane ka iew kiba la rep khlem da pyndonkam da ki sboh dawai kiba lah ban ktah ïa ka jingkoit jingkhiah jong ki paidbah. Ha kane ka jingïalang la ïoh ruh ïa ka jingkren na u ma Kobarness Tlang uba long u President jong ka kynhun ki nongrep (Farmers Producer Organisation) jong ka Thadlaskein Block.