Press "Enter" to skip to content

Rah ka Pdengshakap bad ka United Padu

Jowai, Nohprah 20: Ka Tympang Club Pdengshakap bad ka United Padu kila rah ka nam lahduh haka jingïakhun phutbol U-15 kaba hap haka skim Khelo India Scheme naka Amlarem Block.
Ka Tympang Club Pdengshakap kala jop na ki kynthei hadien ba kala lah ban pynliem ïaka Shnongpdeng SSC da 1-0 kol, katba ka United Padu kala pynliem da 3-0 kol ïaka Ammutong CSC haka jingïakhun phainal kaba long haka sngi Balang na ka Amlarem Block.
Ha Amlarem ki don tang 8 kynhun kiba ïashimbynta kynthup ïaki 2 kynhun ki kynthei ka Shongpdeng bad ka Tympang Club Pdengshakap.
Kane lympung ïalehkai dei kaba pynlong da ka Office Deputy Commissioner West Jaiñtia Hills District bad ka Ophis u District Officer Jaiñtia Hills Distrct. Nalor ka Amlarem Block yn pynlong sa ha Saphai kaba hap haka Laskeiñ Block, Mynsngat ha Thadlaskeiñ Block. Hadien ka Block Level kan don ka jingïakhun District Level hadien ka jingrakhe Khristtmas bad snem thymmai.