Press "Enter" to skip to content

Shah kem ki nongtih dewïong be-aiñ ha WKH

Nongstoiñ, K’lyngkot, 10: Kum shi bynta ban pyntreikam ïa ka hukum khang tih dewïong ba la pynjari da ka National Green Tribunal (NGT) ki Pulit ka West Khasi Hills District ha ka jingleit jurip kyndit ïa ki par tih dewïong ki la ïohkem ïa lai ngut ki nongtih dewïong be-aiñ ha Seningkhri.
Ïa kine ki arngut kiba la shahkem la tip kyrteng kum u Narbhadur Chubba, u Sane Momin bad u Anton Marak.
Ha ka jngtohkit, kine ki lai ngut ki la phla ba u trai jong katei ka par dewïong u dei u Henin Sangma na ka shnong Jadi.
Ha kane kajuh ka sngi ki Pulit ki la leit jurip sa ïa kawei pat ka par tih dewïong bad lap biang sa lai ngut ki nongtih dewïong be-aiñ ïa kiba la tip kyrteng kum u Mozid Ali, u Abdul Baten bad u Abdul Rashid. Ki pulit ki la kem noh sa ïa kine ki lai ngut bad ha ka jingtohkit ki la phla ba katei ka par dewïong ka dei kaba la pyntrei da u Allauddin Marak na ka shnong Riangdim.
Ha kaba ïadei bad ki trai jong kitei ki par dewing ruh ki Pulit ki dang pynlongk a jingthwet ban ïohkem ïa ki ruh.
Ïa kitei ki hynriew ngut ki nongtih dewïong kiba pynkheiñ ïa ka hukum jong ka NGT ki pulit ki la register case pyrshah ïa ki bad ka jingtohkit ka dang ïaid shakhmat.