Press "Enter" to skip to content

Jam ka SLFC sha ka kyrdan ïakhun ka Play-off ka U-18

Shillong, K’Lyngkot 11: Ka kynhun ïalehkai U-18 ka Shillong Lajong FC ka la jam sha ka kyrdan ïakhun ka play-off jong ka U-18 bad ba mynta ka la hiar pat sha Goa.
Ka SLFC ka la jam sha kane ka kyrdan ïakhun hadien ba ka la wan ba kan bat ia ka kyrdan kaba ar ha ka jingïakhun kaba dei na ka bynta ka Shillong-Guwahati Zone, hadien ba ka la ïoh ba kan khur 18 poiñ, kham hadien ka kynhun ïalehkai ka SAI Guwahati kaba la ïoh ban khur 21 poiñ ban bat ïa ka kyrdan ba halor duh na kane ka thaiñ.
Ha ka jingïakhun ïa ka play-off ka SLFCla pynïakap ïa ka ha ka Gr-II ha kaba ka jingïakhun ba nyngkong kan long pyrshah ïa ka Aizawl FC ban long ha ka 16 tarik mynta u bnai ha madan ïalehkai ha Navelim, ka jingïakhun kaba bu kan long pyrshah ïa ka Jamshedpur FC ban long ha ka 18 tarik ha kane ka juh ka madan, ka jingïakhun kaba lai kan long pyrshah ïa ka Kerela Blaster FC ban long ha ka 22 tarik ha madan Utorda bad ka jingïalehkai ba khatduh kan long ha ka 24 tari pyrshah ïa ka Vijayan Soccer School, ha madan Navelim.
Haba ïadei bad kane, ka klob hynne ka sngi ka la pyllait paidbah ia ki kyrteng ki nong ïalehkai kiban mih khmat ia ka klob ha kane ka jingiakhun bad kine ki long Freestar Kharbangar Thongram Santosh Singh , Donboklang Lyngdoh,Rajat Paul Lyngdoh, Apborlang Kurbah, Baiaikara Swer, Kitboklang Khyriem, Bishal Lama, Muhammed Safique Ahmed, Naoroibam Romen Singh, Habymmutshuh Nongrum, C. Vanlalhriata, Denzil Gorby Warjri, Aman Ahlawat, Solomon Mangte, Batskhemlang Thangkhiew, Aenam Graffenberg Jyrwa, Remark Kharmalki, Parvaj Bhuiya,Maxderidoff Wahlang. Head Coach Bobby Nongbet, Assistant Coach Aibok Kharpran, Team Manager Milan Nongkhlaw, Physio Vicky N Syiem.