Press "Enter" to skip to content

“Ka bor ka iktiar jong ka State ”

Mr. Y. Marweiñ

Ka Ri lane ka State ka long ka bor ba ha khlieh (sovereignty) kum ka nuksa, ka jingim u briew kum u nongshong shnong, ka bor ba hakhlieh ba dei ban kohnguh ban leh, ka dei hapoh jong kata ka Ri (State) ba u shong. Kiwei kiwei ki seng (Organisation/denomination/ Church/ Club etc) ki long hapoh jong ke Ri (State). Ki aiñ, ki kyndon, treikam ba ka seng ka buh. U dkhot (member) jong ka Seng u lah ban long member da kaba kohnguh ïa ki kyndon ba ka seng ka buh lane u lah ban weng noh na ka lane lada um kohnguh ïa ki kyndon treikam ba ka seng ka buh u lah ban shah weng noh. Hynrei kine ki seng(Organisation/denomination/ church/ club etc) kim don pura ka bor halade hi, ki ïoh ka bor na ka Ri (State), ki long ki seng trei mon sngewbha (voluntary). U briew ne ka briew lada kim sngew ïahap shuh bad ka seng ba ki don ki lah ban weng noh ïa lade, lane lada ki pynkheiñ ïa ki kyndon aiñ ba ka seng ka buh, lah ban weng noh ïa ki na ka. Hynrei ki don ka bor ban eh ne weng noh katkum u pud ba ki la ïoh bor na ka State, kim don pura ka bor halade hi ban lehbor ne da ka bor ba ki lah hi. Kum ka nuksa; lada u briew ne ka briew ki leh ïa kano kano ka kam ba palat ïa u pud, ki seng ki lah ban aiti ha ka Ri (State) namar kim don ka bor ba pura. Ngi lah ruh ban ong; ki aiñ, ki constitution ba ki seng ki buh kim lah ban teh ban khum ïa u briew ne ka briew pura. U briew u lah ban weng na ka seng ba u don hynrei, um lah ban weng noh ïalade na ki aiñ baka ri (State) ka buh. Ki aiñ jong ka ri (State) ki long kaba kut (final), ym lah ban pynkheiñ ïa ki aiñ ba ka ri ka buh. Lada u briew u kwah ban weng noh ïa lade na ki aiñ ba ka ri ka buh, u lab ban leh tang lada u phet noh sha kawei pat ka ri Tangba u dei hi ban hap hapoh ki aiñ jong kata ka ri ba u la phet. Ki aiñ jong ki seng bapher bapher ki ïoh ka bor na ka ri (State) hynrei ym don aiñ ba ka ri kan ïoh bor nangno nangno la ka long ka bor ba ha khlieh duh (soverignty), ka long ka bor ba dei ban dem bad kohnguh (obligatory), bad ban ymdon shuh ka bor ba dei ban dem bad kohnguh(Organisation/denomination/ church/club/trade union etc) baroh ki ïoh ka bor na ka State, ki long ki sengtrei mon sngewbha(voluntary). Ki briew kiba don hapoh kine ki seng ki lah ban shah weng bad mih noh ne seng da kawei pat, ym don jingpynbor (coercion), ym don ba lah ban teh ban khum da kino kino Ki kyndon pyrkhing ban leh ne ym leh kumto, kumtai, kumne. Pynban ïa ki aiñ ba ka State ka buh, ym lah ban pynkheiñ. Lada u pynkheiñ ka don ka bor ban leh da ka bor ruh. Namar kata, ka aiñ jong ka ri (State) ka long halor ïa baroh, ym lah da lei lei ruh ban pynkheiñ-halor jong ka..
Ïa ka State lah ban pynïapher na kiwei pat ki sengbhalang, ki club, balang, ki seng khïii bad party saiñ-pyrthei bad kumta ter ter.
a). Ka pud synshar ïa baroh:
Ïa kane lah ban pyntreikam ïa baroh kiba im ha u pud u sam jong ka State. Kata ka mut ba man la uwei uwei uba don bad im ha ka State u long hapoh ka jingpynïaid jong ka State. Wat u nongwei uba shu wan shangkai shipor un hap hapoh ka kyndon jong ka ri (State) katba u dang don hapoh kata ka ri ba la shah ïa u ba un wan shipor, u lah ban ïoh ka juh ki jingpynshitom kum u trai shnong lada u pynkheiñ ïa ki aiñ jong ka State,
b). U pud synshar ba dei ban shim tikna:
Ym don jingjied ban long kum u member hapoh ka State. Ha ki por mynbarim lada kano kano ka kynhun ka kwah ban ym shah synshar ha la ka jong ka ri (State), ki lah ban. iehnoh noh bad ki lah ban pynlong ka’wei pat ka kynhun hangno.re hangno bad ba ki lah ban shna ïa la ka jong ka rule kaba ki jied hi. Mynmynshuwa hi ym da don jingeh ïa u briew ba un leit ha kano kano ka ri ba u jie.d lada urn sngewtynnad ïa la ka jong ka ri. Ha kine ki sngi, ym don jingkyrmen ban ong ba ka don ka jingbahkhlieh ba kin jied ïa ki aiñ ha la ka mon ha kata ka ri ba thymmai.
Ha kaba ïadei bad ki Seng, ym don uwei ruh ban pynbor. Uno uno ruh u lah ban jied ïa ki jinglong member ba u sngew tikna ha la ka mon laitluid la ong. Ki Assocïation ne group ki lah ban don u pud synshar ba la buh; hynrei ka pud synshar ba ka State ka buh ym don ba lah ban ieh noh lane im laitluid, lada u pynkheiñ u hap ha ka jingpynshitom katkum ka aiñ ba la buh.
c). Ka ïada ïa ki jingtuklar ïa ka jinglong hok bad ka ïa sam bynta ban kyntiew ïa ka roi ka par:
Ki Seng ki lah ban ïada neym lah banïada ïa,ka jinglong hok ki dkhot jong ka haka rukom ba dei ne bym dei, bad ki lah ban leh ïa kata tang hapoh la ka seng bad ym shabar. Hynrei ha ka jingïadei bad ka ri(State), ka lah ban pynïaid ym tang hapoh jong ka hynrei ka ïada ruh ïa ka jingkwahtuklar kiba nabar.
Haba ka State ka pyntreikam ïa ka bor, kam long na ka bynta ka jingtrei mon sngewbha-(voluntary) kumba long u briew shimet nyngkong, hynrei ïa ka la pynlong tikna (compulsory) da ka aiñ. Kum ka nuksa, kajingtrei mon sngewbha ki samla ha ki nongbah ne nongkyndong na ka bynta ban kyntiew ïa ka bha ka mïat ka long ka jingtrei mon sngewbha (voluntarily).
d) Ka bor ban treikam:
Baroh ki lai tylli ki bor jong ka State ki long kiba donbor. Ka bor ba nyngkong ka long ban thaw-aiñ (Legislative), ka bor kaba ar (executive) ka long ban pyntreikam (enforces the law) ïa ka aiñ, bad kaba-lai (judicïal) ka long ban pynshai (interprets) ïa ka aiñ. Ki Seng ki lah ban don ki rule bad kim don pura ka bor, ki ïoh ka bor na ka State, .hynrei ki rule- bad aiñ. jong ka State ki Jong da ka bor. Kumta, ki aiñ jong ka State ka ioh kham halor ban ïa ki aiñ jong ki Seng.
e) Ka jingkhrawbor jong ka State:
Ka State ka long Khrawbor bad ki aiñ jong ka State ki long ha khlieh. Ki seng ka long hapoh (subordinate) ka bor jong ka State. Ka bor ba dei bïang jong ki seng ka long hapoh ka bor ba dei bïang jong ka ri (State). Hynrei ki bor ba dei aiñ jong ka State kim hap ha kino kino ki bor aiñ. Ka jingïañiewkor ïa ka burom ïa ka jingsngew. Ba kumta ka jinglong ha khlieh-jong ka State, ka long halor; la ka long shapoh ne shabar kumjuh. Dei tang ka ri (State) kaba treikam ïa ka bor ba ha khlieh.
Ka pud jong ka jinglong khrawbor jong State.
Ha ki ri kiba la shai kumjuh ruh hangne ha ri India jong ngi wat la ka bor jong ka ri ka long khrawbor, hynrei ngim lah ban ong ba kin shu ban beiñ khlem don ka jingïai shah. Ki don katto katne ki pud halor ka jinglong khrawbor jong ka, Kum ka nuksa, ka bor ba ha khlieh ka long ban burom ïa ka jingsngew (moral) bad ïa ki jingsngew ne long nïam ne jingngeit jong ki briew- ym dei ban da buh ne pynbor da ka ri (State). Lada ïa kane k jingsngew ka ri ka khang khyrdep.ka lah ba wanrah ka jingïakhih. Ngi sngewnguh ïa nongthaw aiñ jong kari jong ngi ba ki laitluid ïa ka jingngeit nïam ne rukom jingngeit (freedom of religion).
Ïa ki aiñ jong ka ri lah ban pynthymmai. Namarkata, don kiba ong ba ka jingdonbor bad khrawbor jong ki aiñ jong ka State kim lah ban long. Ym kumta ki long khrawbor kita kiba la pynthymmai.
Ki aiñ jong kawei ka ri bad jong kawei pat ka ri bad kumjuh ki jingïakut bad jingïalang,(Conventions) jong kawei ka ri bad kiwei pat ka long kawei pat kaba ngi lah ban ong kaba khanglad ïa ka jinglong khlieh jong ka State. Kane kam lah ban long, namar ki aiñ ki long ki bym lah ban pyntreikam hapoh jong ka State. Ki aiñ ba ïa khleh lang kawei ka ri bad kiwei pat kim long ki aiñ kiba da shisha ha ka jinglong.

Khublei ïa phi baroh
***********