Press "Enter" to skip to content

JHADC: Thep kyrteng ki Nongïalam Sengbhalang barim ban ïakhun MDC

Jowai, Rymphang 07: Haduh saw ngut ki nongïalam sengbhalang kila thep kyrteng ban ïakhun ïaka elekshon MDC sha ka ïing dorbar thawaiñ ka JHADC.
Kine ki nongïalam sengbhalang kiba thep kyrteng ki kynthup ïa u Rikut N Parien, President barim ka JSU ula thep kyrteng na ka Congress ban aireng naka thaiñ Saphai, u President barim ka Ri Jaintia Youth Federation President R.K. Ram Rymbai kum u kyrtong shimet na Jowai South, Secretary barim ka HANM Jaiñtia Hills Damonmi Dkhar na ka UDP ban aireng na Nartiang Umladang pyrshah ïa u CEM barim JHADC bad u kyrtong NPP u Thombor Shiwat. U Secretary barim HNYF bad President WJHD u Pynskhembor Dkhar kum u kyrtong shimet na Barato.
U Heraldson Dkhar President Meghalaya Indigenous People Rights Livelihood ula thep kyrteng kum u kyrtong UDP na Shiliang Myntang ban pyrshah ïa u RudayooTang MDC mynta uba na ka NPP.
Kiwei kiba thep kyrteng ki dei u MDC barim u Bhawan Chyrmang jong ka UDP na Saphai, u Pyrkhat Pyrphet kum u kyrtong shimet na Barato Mukroh, u Manbha Lyngdoh kyrtong na Muthlong Sohkymphor. U Timing Lyngdoh kyrtong PDF na Mynsngat Khanduli.
U Kynum jong u ma Sniawbhalang Dhar u Saron Paswet naka NPP ula thep kyrteng ban aireng na Jowai South pyrshah ïa u MDC Moonlight Pariat.
U Lom Nongrum PDF naka Mukhla Wahiajer, Jwatmon Pariat kyrtong shimet na Ummulong Moodymmai Constituency. U Heirtami Suting jong ka NPP na Mowkaiaw.
Na Shangpung u J Treilang Suchiang kyrtong UDP kumjuh u kyrtong bujli u Treiminot Suchiang.
Shemhok Garod MDC naka NPP naka thaiñ Nangbah. U Wandame Suchiang Congres na Shilliang Myntang bad u Eimichwa Ren kyrtong bujli NPP na Barato Mukroh bad u Night Star Pariat kyrtong bujli NPP na Mukhla Wahiajer.
Nalor kine katto katne kiba thep hynnin ka sngi ki kynthup ïa u Jesse Suiam NPP na Ummulong Moodymmai, Ailad Bhoi na Mukhla Wahiajer kum u kyrtong Shimet, Pil Khyriem Independent na Jowai South. Na War East Lotsing Lakuna Congress, War Central Holando Lamin Congress bad u Herman Khonglah UPD na War West.
…Sa 18 ngut na East Jaintia:
Khliehriat K’Lyngkot 07:Nalor ki 19 ngut kiba la dep thep kyrteng hynnin ka sngi,mynta ka sngi pat ka 7 tarik sa 18 ngut kiba la wan ban thep kyrteng (File Nomination) ha ophis u Deputy Commssioner ha Khliehriat naka bynta ban ia ai reng ia ka MDC Election jong ka Jaintia Hills Autonomus District Council 2019.
Hynriew ngut kiba la thep na ka party NPP ki kyntup u bah Joinriwell Pyrtuh u sitting MDC ban ialeh biang na ka 29 Btaw-Lakadong constituency,u bah Rollingstone Dkhar,na ka 26-Sumer Constituency,u bah Lalminga Ngamlai na ka 27-Saipung Constituency,u Phasmon Dkhar,na Musniang-Rangad Constituency bad u Seibor Shadap na ka 24-Sutnga.
Saw ngut pat na ka United Democratic Party ki kynthup u bah Finelyness Bareh,n aka 23 Rymbai-Khliehriat constituency,u bah Amos Dkhar,na ka 22 -Musniang-Rangad,u bah Krison Langstang,na 26-Sumer bad u bah Hopingstone Bareh na 24-Sutnga constituency.
Ka Indian National Congress ka la sei sa lai ngut ki kyrtong ba kynthup u bah Desous Pohshna,u sitting MDC u ban iakhun biang na ka 28-Narpuh constituency,u bah Balios Swer,na 29 Bataw-Lakadong constituency bad u bahArbor Darnei,na 27-Saipung constituency .
Ki saw ngut ki ban ia khun Independent ki kynthup u bah Marsahll Biam,na ka 29 Bataw-Lakadong constituency,u bah Wanshwa Suting,na ka28-Narpuh constituency,u bah Richard singh Lyngdoh,na ka 25 Sutnga-Nongkhlieh bad u bah Sonyborn Phyrngap na ka 25 Sutnga-Nongkhlieh constituency. Ka People Democratic Front (PDF) mynta ka sngi ka la sei ia u bah Planning Rymbai u ban ia iakhun na 22-Musnaing-Rangad.