Press "Enter" to skip to content

Rai ki nongialam shnong ka Mowkaiaw bad Mowtyrshiah ban pynneh ïaka shongsuk shongsaiñ

Jowai, Lber 04: Mynta ka sngi ka kynhun jong ki nongïalam shnong na Mowkaiaw bad Mowtyrshiah ryngkat bad u MDC thymmai ka Mowkaiaw Constituency kila lum jingialang ban tem ïaka jingïakynad kaba la ktah iaka shongsuk shongsaiñ ka shnong Mowkaiaw na ka kam elekshon MDC.
Kine ki nongialam shnong jong kine ki ar shnong bad MDC hadien ba ki khynnah skul na Mukhap, Mowtyrshah kila pep skul namar ka jingsyier hadien ka jingïakynad ki nongkyrshan UDP bad NPP ha Mowkaiaw kala pynkyndit ïaki nongialam shnong bad MDC bad kila lum jingialang mar mar ban ïakren pynbeit ban wanrah biang ïaka shongsuk sain ha baroh ka thaiñ Le Mow.
Ki nongialam shnong bad u MDC da ka mynsiem kaba sngewkhia hadien ka jingpep skul ki khynnah skul bad khamatam ban lait na kino kino ki jingthud ïaki khynnad ban iakhun eksam Matrik kaban sdang lashai, kaba ka centre kadei ha Mowkaiaw kila shimkhia ban khot ia kane ka jingialang ban pynbeit hapdeng para nongialam shnong ban pynneh iaka shongsuk shongsaiñ.
Ha kane ka jingialang la ïadonlang u Ma Loving Laloo, Waheh Shnong Mowkaiaw, u Ma Hamly Dkhar, Waheh Shnong Mowtyrshiah bad kiwei kiwei ki dkhot shnong jong ki ar shnong ha kaba la iakren pynbeit bad la shim iaka rai ban pynneh ïaka shongsuk shongsaiñ bad ban long kumba julong ban iaid ieng da kaba suk ba sain na kawei ka shnong sha kawei.
Na kaliang u MDC ba thymmai u Ma Winning Garland Sungoh ula kyntu ia baroh ki nongshong shnong ban long jai jai bad ban pynneh iaka shongsuk shongsain bad ban klet ïa kiei kiei baroh namar ba kala elekshon kala kut bad khot wer ia baroh ban iatreilang ban wanrah iaka roi ka par haka thain Mowkaiaw.