Press "Enter" to skip to content

Dang suk ban kren ïa u Modi ban ïa ki nongtrei Megh House, Guwahati: Process

Shillong: U Bah Process T. Sawkmie, MLa Mawlai, u la ther tyngeh ïa ka jinglong ki nongtrei ha Meghalaya House ha Guwahati.
Haba wanrah ïa ka Cut Motion halor ka jingpan pisa ka tnad General Administration Department (GAD) ha ïingdorbar ha ka sngi Palei, u Bah Sawkmie, u ong ba ka jinglong kuman ki nongtrei ha Guwahati, imat ka dang khamsuk ban kren ïa u Nrendra Modi ban ïa ki.
“Ki nongtrei hangthie kim ju kheiñ briew wat ïa ngi ki MLA ruh”, u la ong, da kaba bynrap ba sa ïa ki riewpaidbah lei lei ym tip shuh.
U la kyntu ïa ka sorkar ba kan peit ïa kane ka jingeh ba ki paidbah ki ïakynduh haba ki leit sah ha katei ka ïing sorkar ha Guwahati. Nalorkata ruh u la ong ba ha kiba bun ki khep ki paidbah kim ju ïoh jaka sah, namar ki nongtrei ki aidaw ba ym don karma, namar ba la buh lypa ïa ki heh ki haiñ. Nalorkata ka rukom ai ruh ka long kaba leh shiliang khmat ha kaba kiba don jingïaithuh ki ïoh, ki bym ithuh briew kim ïoh. “Dei ban ai katkum ka jingwan nyngkong”, u la ong.