Press "Enter" to skip to content

Iap 2,mynsaw bun ngut ki nongleit iathoh

Tura, Lber, 14: Ka sngi ïathoh shongkurim ka la kylla long pynban ka sngi ïam briew mynta ka sngi palei hadien ba kawei ka kali ba kit nongleit sha ka iing ïathoh shongkurim ha South Garo Hills District ka la kylla khongpong. Kane ka la jia ha kawei ka shnong ba la tip kum ka Buga Dongram, South Garo Hills District.
Katkum ka thymmei khubor, la ïathuh ba arngut na kiba shong hapoh kane ka kali ki la duhei ïa ka jingim ha kaba uwei u la khladnoh hashen katba uwei pat u la khladnoh ha lynti katba dang pynkit sha Sibbari PHC, kaba don markhap bad ka khapppud jong ka ri Bangladesh ha South Garo Hills. Bun kiwei pat kiba ïadon lang hapoh kane ka kali ki la mynsaw.
Katkum ka jingïathuh jong u Superintendent of Police ka South Garo Hills, u Abraham T Sangma kane ka la jia ha ka por kumba 11:30 baje mynstep bad ïa kiba la mynsaw la pynkit noh mar mar sha Sibbari PHC.
Ïa une uba la ïap hashen la ithuh kyrteng kum u Krit Ch Sangma of Wachalgre.
“Uwei na kiba don hapoh kane ka kali u la ïap hashen. Hadien uwei pat u la khladnoh katba dang pynkit sha Hospital. Namar ka jingthuh shaba palat jong ka mobile network, ngim shym la lah satia ban ïoh jingtip shuh shuh halor kiba la mynsaw. Kine kiba ngat noh ha ka jingjia basngewsih ki dei na ka shnong Ramchenga, South Garo Hills bad ki dang thmu ban leit sha ka jaka ïathoh shongkurim ha Wachalgre,” ong u SP.
Kine ki lanot ki dei kiba shong ha kawei ka kali Bolero Pik-Up (ML-08C 5824).