Press "Enter" to skip to content

Kop u Conrad ban jop kput ka Agatha ïa u Mukul na Tura

Shillong: U President ka National Peoples Party (NPP) u Conrad Kongal Sangma, u la kop ba ka para jong u, ka Agatha Sangma, kaba long ka kyrtong MP jong ka Seng na Tura kan jop kput pyrshah ïa u Dr. Mukul Sangma, u kyrtong ka Seng Congress.
Haba ïakren bad ki nongthoh khubor hadien ba la wai ka Dorbar Mangtyngka ha ka sngi Palei, u Myntri Rangbah ka jylla, u la ong ba ka Seng jong u, ka la ïoh ka jingkyrshan na ki paidbah haduh ki shnong ki thaw bad dei namar kane ka daw ka Seng kan ïoh ïa ka jingjop badonburom.
Lah ban kdew hangne ba ka Agatha Sangma, ka la jop ïa ka elekshon MP na Tura ka la jop ïa ka elekshon MP na Tura ha u snem 2009 na ka Seng Nationalist Congress Party (NCP) bad ha katei ka snem ka la ïoh lum ka Myntri Khynnah jong ka sorkar pdeng ba la ïalam da ka Seng Congress hapoh ka United Progressive Alliance (UPA).
Ha u snem 2014 kam shym la ïaleh shuh, namar va la ïakhun noh u Purno Sangma, u kpa jong ka. Ha ka snem 2018, ka la ïakhun ïa ka elekshon MLA na South Tura, ha kaba la jop, hynrei ka la hiar shuki noh ban ailad ïa u Conrad Sangma, uba la long Myntri Rangbah, khlem long MLA.
Ka Agatha, kan ïakhun pyrshah lehse ïa u nongïalam ba radbah tam ki Garo hadien u Purno Sangma, kata u Dr. Mukul Sangma, u Myntri Rangbah barim ka jylla. U Dr. Mukul um pat ju rem ïa ka elekshon MLA naduh ba u la ïakhun nyngkong eh ha ka snem 1993 na Ampati, lait noh na ka elekshon MP ba u la ïakhun ha u snem 2004, ha kaba u la shah pynliem ha u Purno Sangma.