Press "Enter" to skip to content

Wan poi haduh 20 Pyrton ki CAPF ban pahara Elekshon Lok Sabha ha Jylla

Shillong, Lber 16 : Haduh 20 pyrton ki Pulit Central Armed Police Force (CAPF), kila wan poi hynne ka sngi saitjaiñ ha Jylla ban iarap pahara na ka bynta ka jingïaid beit ïaid ryntih jong ka elekshon MP-Lok Sabha ha Shillong bad Tura Constituency.
Ka khubor ka ïathuh ba ki dang don shuh ki pyrton CAPF ki ban sa wan sha Jylla nalor kine ki 20 pyrton ban dup pynkhlaiñ bha ïa ka jingpahara khamtam ha ki Polling Station kiba la ithuh ba ki dei kiba don jingma, kiba lah ban mih jingkulmar ha ka sngi thep vote.
Nalor kane, la ong ba kine ki Pyrton CAPF kin iarap ruh ïa ki Pulit ka Jylla ha ka jingpahara ha ki Polling Station kiba don haki jaka khappud jong ka Jylla ba kynthup ïa ki khappud bad ka Assam lem bad ka Bangladesh.