Press "Enter" to skip to content

Plie u Bah Cherishterfield ïaka Mait Shaphrang Football Tournament ka KSU

Jowai, Lber 17: U Bah Cherishterfield Thangkhiew nongïalam barim ka HNLC uba bala wan pyndem wait; ula wan ban plie ïaka football tournament kaba tip kum ka ‘1st Mait Shaphrang Football Tournament’ kaba pynïaid da ka Khasi Students’ Union (KSU) Iooksi Unit ha Madan Mooblang haka sngi Saitjaiñ.
Ka jingiakhun ba plie pyrda ia kane ka lympung kalong hapdeng ka Saphai SSCC pyrshah ïaka Priang SC. Ha kane ka jingïakhun ka Priang SC kala jop da 1 kol.
Ha kane ka lympung ki don haduh 32 tylli ki kynhun kiba la wan ban ïahimbynta.
U Bah Che, haba kren kum u kongsan haka jingïalang ban plie ïa kane ka lympung ula ong “Bun ki samla ka juk mynta kila ngop haka jingkyrni haka jingdih ïaki kynja jingdih ba pynbuaid, hynrei da ka jingpynlong ïa kum kine ki lympung ïalehkai kan ïarap ïa ki khun samla ban ïoh pynbyrngia ïalade haka jingïalehkai bad ban lait na ki jingmlien ba sniew.”
U Bah Che ula kyntu ïaki samla ban phai khmat sha ka kam ïalehkai namar nalor baka a ïarap ïaka met ban ïoh ka met kaba koit khiah nalor ban pyntbit ïalade ha kam ialehkai kaba dei kawei na ki lad kamai kajij ha kane ka juk.
La ïadonlang u Ohibait Dkhar, President KSU Jaiñtia Hills, Shaniah Shkem Dkhar, Assistant Finance Secretary, u Nangaibormi Sutnga Nongaibuit ka KSU Iooksi bad kiwei kiwei