Press "Enter" to skip to content

Rah ka Bengaluru FC ïa ka Indian Super League

Mumbai, Lber: Ka Benga-luru FC ka la rah ïa ka nam lahduh ka lympung ïalehkai jong ka Indian Super League (ISL).
Ha ka jingïakhun ïa ka phainal ba la long hynne ka janmiet ha Mumbai Football Arena, Mumbai, ka BFC ka la lah ba kan pynliem ïa ka FC Goa da 1-0.
Ïa kane ka kol la thep ia ka da u Rahul Bheke, uba kylla long u samla ïalehkai ba nyngkong jong ka ri ban pyntikna ïa ka kynhun ïalehkai kaba u la mihkhmat ban thep ïa ka kol ban pynjop ïa ka kynhun ha ka phainal jong ka ISL.
Ïa kane ka kol, u Bheke u la ioh ba un thep ïa ka ha ka minit kaba 117 jong ka jingïalehkai kaba la pynjlan ïa ka, namar haduh ba la kut jong ka por ba la buh, ki ar kynhun kim sym la lah satia ban ïa pynkhih ïa ka jar.
Ka kol ba la ioh ban thep ka la wan lyngba ka corner ba a shut ïa ka da u Dimas bad u Bheke u la ioh ban pyndei da la ka jong ka khlieh ïa ka bol kaba la rung beit kluk sha lyndet ka kol ka FC Goa.