Press "Enter" to skip to content

Rah ka Lawmali ïa ka 4th Assam Rifles Invitational Football Tournament

Shillong, Lber 17: Ka kynhun ïalehkai ka Lawmali ka la rah ïa ka nam lahduh ka 4th Assam Rifles Invi-tational Football Tournament, hadien ba ka la lah ba kan pynliem noh ïa ka Assam Rifles da 2-1, ha ka jing-ïakhun ïa ka phainal ba la long hynnin ka sngi Saitjaiñ ha JN Stadium. Polo.
Ka khana jong kane ka jingïakhun ka long ba ka Assam Rifles ka la ioh ïa ka kabu ba kan tam shakhmat da shi kol ba la thep ha ka minit ba 29 da u rang ïalehkai ba la thep bun kol ha kane ka lympung u Lalboi Kipjen, pynban mar sien ïa sdang ka kylla miet, ka Lawmali ka la ioh ba kan thep kynsan ar kol, ban pyntikna shi syndon ïalade ban rah ïa ka nam lahduh kane ka lympung ïalehkai bad ban kur ïa ka song pisa kaba long shi lak tyngka ryngkat ka trophy, katba ka Assam Rifles ka la ioh ba kan khung san phew hajar tyngka ryngkat bad ka trophy.
Ïa ki khusnam la sam da u Lat ka jylla u Tathagata Roy ryngkat ka jingïadon lang ka jong u Director General of Assam Rifles, u Lt Gen Sukhdeep Sangwan.
Marsien ïa sdang, ka jingïakun ka long ba ki ar kynhun ki la pyrshang katba lah ban ïa tynjuh bor mar kylliang, hynrei ha kaba sdang u Kipjen u la lah ba un lam khmat ïa ka Assam Rifles ba kan ioh ban pynkih ïa ka jar.
Hadien kane, ka Lawmli ruh ka la jan ioh ïa ka kabu ba kan pynkhih ïa ka jar, hadien ba ka bol kaba la rung sha lyndet ka kol la kyntait noh ïa ka halor ka nongrim ba ka dei kaba la wan lyngba ka offside.
Haba wan ban bteng ïa ka kylla miet, ka Lawmli kaba la spel lyndet ïa ki jingduna ne tlot ka Assam Rifles, ka la rung madan da kaba pynkylla noh tiak ïa la ka rukom ïa-lehkai ka jong ka.
Ha kum kane ka sur, suki pa suki ka kut ïalehkai ka Assam Rifles ka la sdang ban khih win bad dei tad ha ka minit kaba 50 ba u Will Marbaniang u la ioh ban thep ïa ka kol ba nyngkong naka bynta ka Lawmali bad ban pynïakhaid syndon ïa kane ka jingïakhun.
Tang hapdeng ki khyn-diat minit jong ka kol na u Will, ka Lawmali ka la ioh ba kan thep pat sa ïa ka kol kaba ar, hadien ba u Will u la rah kham shapoh ïa ka bol bad ha ka por ba biang bha u la pashat sha shilliang ka madan bad u rang ap kol jong ka Assam Rifles, uba la pyrshang ban ioh kner ïa kane ka bol, um shim la ioh lad satia hynrei ka bol ka la poi hajan u Damehun Syih uba la tehlakam bha ïa ka bol bad ban khyrwit jam ha ïa ka naka bynta ban pynkhih ïa ka jar.
Hadien kane, ka Assam Rifles ka la ïakhun tyngeh bad ñion ïa kaba la ieng ban khanglad da ki rang ba ïalehkai dien bad na u Eric Nongkhlaw ( ba la rah ïa ka nam rang ap kol ba kynsai) ka Lawmali bad rah syndon ïa ka nam kum ka lahduh kane ka lympung .