Press "Enter" to skip to content

Shu ïeh ïingjah ka Health Deptt ïa ka Hospital MCH ha West Jaiñtia

Shillong, Lber 17: Ka Tnad Health & Family Welfare ka Jylla, kala shu ïingjah bad khlem pat lah pyntreikam satia ïa ka Hospital thymmai ba 100 jingthiah jong ki Khynnah bad Longkmie (Maternity and Children Hospital), watla ïa kane ka Hospital la dep ban shna nadong hadong naduh u snem 2017.
Lah ban kdew hangne ba ka jingtei ïa kane ka Hospital kala sdang naduh ka 30 tarik Jymmang 2014
bad la pyndep ïa ka hadien lai snem kata ha ka 15 tarik Nohprah 2017. Ïa kane ka Hospital la tei ha ka jinglut jingsep kynthup ka thied tiar thied tar ba kong haduh T. 18,46,00,000.
Ka jingslem ban pynlong ïa kane ka Hospital Khynnah bad Longkmie kaba treikam, ka dei kawei na ki mat bala buh ban iakren hapoh ka Dorbar Mang tyngka ba dang shu dep jong ka Ïingdorbar Thaw Aiñ ka Jylla hynrei ka jingkylli halor kane, kala kut noh namar ka jingbym wan iashimbynta u MLA ka Jowai u ma W Shylla.
Hynrei ha ka jubab, u Myntri ka koit ka khiah BahA.L.Hek ula ong ba ïa mynta, ka jingthungkam ïa ki Nongtrei jong ka Hospital ym pat shym la leh satia namar ka Sorkar kam pat mang satia ïa ki kam ba dei ban thung nongtrei.
Kat kum ka jingong jong u, ka Sorkar kala plie ïa kane ak Hospital 100 jingthiah hadien ba ka Tnad kala dep ban thungkam lut ïa ki nongtrei ba donkam.