Press "Enter" to skip to content

Jan dap shibnai, pat lapdien ki Pulit ïa ka Khynnah ba jah rngai

Shillong, Ïaiong 14: Ki Pulit ka North Garo Hills, kim pat lapdien satia ïa ka Khynnah 13 snem ba jah rngai nala ïing mynta la jan shi bnai eiei bad la suba jur ba kane ka Khynnah kala phet na Ïing bad uwei u briew.
Kane ka Khynnah kala jah nala ïing, na ka shnong Aruak Songgital kaba hap hapoh ka Bajengdoba Police Station. Kane kala Khynnah kala jah naduh ka 17 tarik Lber bad kat kum ka jingong ki Pulit, la ïohi khatduh ïa kane ka khynnah bad uwei u briew uba dei na kajuh ka shnong.
Ki Pulit ki ong ba kane ka khynnah kala phet na ïing hadien ka jingiania bad ka Kmie halor ki kam skul. Kane ka Khynnah ka dei kaba dang pule klas VI ha Mendal.
Na ka liang ki bahaïing kila ujor da ka ejahar naduh ka 23 tarik Lber ba pyntip ïa ka jingjah jong kane ka Khynnah. Ki bahaïing kila pan ruh ïa ka jingiarap jong ki paidbah ban lapdien ïa ka Khun jong ki.