Press "Enter" to skip to content

Khyrwit ka eriong, shah lied bun phew tylli ki ïing shah ktah jur ka shnong Madur

Jowai, Iaiong 14: Ka shnong Madur kaba hap hapoh ka Thadlaskeiñ Block West Jaiñtia Hills District kala shah ktah jur haka jingwan lyngshop ka eriong haka Sngi U Blei ha Rilum Jaiñtia.
U slap u phria ryngkat ka eriong kaba jur bha kila wan ban khyrwit ïaka West Jaiñtia Hills. Naduh ka por 1 baje nohphaisngi kala don ka jinghap slap bad haka por kumba 2:30-3 baje kala wan ka lyer kaba khlain bor bad pynjulor ïa bun tylli ki ïing bad jynrat ïaki dieng ki siej bad ki post ding electric ha kylleng ki jaka.
Ka eriong kala ktah haka shnong Jowai, Mihmyntdu, Sabahmuswang, Khliehtyrshi, Madur, Ummulong, Moodymmai bad kiwei kiwei ki shong ba marjan.
Ka Madur haduh 15-20 tylli ki tnum ïing kila shah lied haka lyer ba khlain bor bad katto katne tylli ha Moodymmai, Ummulong, Sabhamuswang bad Mihmyntdu (Lum Chyrmang). Nalor ba ka lyer ka jynrat ïaki dieng bad pynthud ïaka iaid ka ieng ki kali ha surok bah bad ki surok shnong. Ha East Jaiñtia Hills ka eriong kala khyrwit ha Saipung ha kaba kala wanrah ka jingjulor iaka iing skul bad iing briew. Kane ka jingwan lyngshop ka bor mariang kala pynjulor iaki post ding elektrik ha kaba bun ki jaka bad kala wanrah ka jingduh bordiig.