Press "Enter" to skip to content

Ngeit skhem ka MBCC ban jop u Ma Vincent na Shillong bad Dr Mukul na Tura

Shillong, Ïaiong 14: Ka Mawlai Block Congress Committee (MBCC) ka ngeit skhem ba ki kyrtong ka Congress-ma Vincent H Pala na Shillong bad Dr Mukul Sangma na Tura. kin ïoh ïa ka jingjop ba don burom ha ka elekhon MP-Lok Sabha ba dang shu dep thep vote myn ha ak 11 tarik Ïaiong.
Ka MBCC kala ai khublei ruh ïa baroh ki paidbah kiba la mih ban thep vote khamtam ïa ki nongkyrshan jong ka Congress kila la trei shitom naduh ba sdang ka jingïalap elekshon haduh ba kut ka sngi thep vote.
“Ngi ngeit skhem ba u Ma Vincent bala long MP la arsien bad u Myntri Rangbah barim ka Jylla Dr Mukul kin ïoh ban leit mihkhmat ïa ka Jylla sha ka Ïingdorbar Thaw Aiñ” ong u President ka MBCC bad MLA ka Mawlai Bah PT Sawkmie ha ka jingïalang bala pynlong da ka MBCC ha ka sngi saitjaiñ bala dep.
U Bah Process ula ai khublei kyrpang ïa ki Nongkitkam ka MBCC, ka Mahila Congress , ka MPYC-Mawlai kiba la trei met bad mynsiem na ka bynta u kyrtong ïakhun MP na Shillong ma Vincent H Pala.