Press "Enter" to skip to content

Pynjur ka HYC ïa ka jingkhynra laisen khaii ha Ïewduh na ki dukan bar jylla

Shillong, Ïaïong, 16: Ka Hynñiewtrep Youths Council (HYC) Sengkmie hapoh ka jingïalam jong ka Organising Committee mynta ka sngi baar ka la hiar ban khynra ïa ka Trading bad Labour licence ha ki thaiñ Ïewduh.
Ha kane ka jingleit khynra, kumba 200 tam tylli ki dukan bar jylla, ka Seng la lap ba kim shym la don ïa ka Trading bad Labour Licence ka jong ki ïa kaba na ka liang ka seng ka la phah khang noh mardor.
Ka Seng ka la shim ruh ïa ki kyrteng jong ki trai dukan kumjuh ïa ki nombor Licence jong ki kumjuh ïa ki kyrteng jong ki nongtrei bar jylla ki bym shym la don ïa ka Licence ka jong ki.
Ha ka jingïakren bad u Samla Gee Mawlong, u Organising Secretary ka Seng, u la ïathuh lyngba kine ki thup kyrteng kiba ka seng ka la lum kan leit rah bad ban pynbor pat ïa ka District Council ba kan shim da ka lynti kaba kham tyngeh ïa baroh kine ki dukan bar jylla kiba shu shong beaiñ.
Ha kajuh ka por u kyntu ïa ka tnad Trade bad Labour kumjuh ïa ka tnad Enforcement ba kin shimkhia ban pynlong ïa ka jingkhynra kaba na ka por sha ka por khnang ba kine ki bar jylla kiba shong beaiñ kin ym shim kabu ban plie biang tang shu shu leit phai ktem ki Pulit ka tnad Enforcement.
Ka Seng kan ym shong kli kti bad kan ïai buddien bd kumjuh kan sa nang ban pynjur ïa kane ka jingkhynra (Sier Lapalang Operation) . la bun bun bnai.